24.10.08

Nuobas sonoridades para la música mirandesa

Quei me dezis, rapaziada galana i bigotuda, sobre la necessidade de poner la nuossa música e la nuossa lhéngua an çfrentes tipos de música i sonidos?
Pus nestas tierras yá tenemos pul menos uns poucos de eisemplos: ls Picä Tumilho que acrecentan la genialidade de l Rock clássico de ls grandes intrumentistas de Sendin a la boubice saudable i debertida de Emílio; Sonidos de Trasgo ponen bielhos i bielhas a cantar acumpanhados de gaitas, fraitas i música eilectrónica, ó anton ls Galandum Galundaina que nun camino mais tradicional ponen un cachico de eiboluçon.

Agora bou-bos a proponer outro stilo: i que tal botar-le uas berradelas al jeito de uns bezerros balientes, uas guitarradas mais çtorcidas que ls bezerros esses, grunhir dessa maneira, i dar-le nomes cumo Heavy Metal, Dark Metal, Gothic Folk Metal, ou inda melhor, Heavy Dark Folk Industrial Neoclassic Doom Synphonic Tradicional Electro Hard Rural Matando Bacas Death Metal?
Pus claro stá, a falar de la bida de l campo, la simpricidade, ls fardos, tratores (esta ye dedicada a ti, rapaç, que nun puodo dezir l nome se nó bates-me), bacas, lhameiros, cerrados, prados, i pur ende... L que sabeis, que sodes todos de acá!

Bou-bos anton a mostrar un tiu que yá se chegou alantre, cun eideias assi: ye anglés i fala de las cousas idílicas de l campo, l mugir de las bacas (Moooo), mugir las bacas, tratores (para ti outra beç!)...
Eiqui stá! Se tubirdes deficuldades an traduzir l que diç l tiu para mirandés, dou-bos ua mano!


7 comentários:

Fallen disse...

Kakakakakakaka!!! Agora é que vai ser!! Fuonte Aldé na meca do Metal!!! Vai ser tudo raso! Oh yeah! :)

Anónimo disse...

Mas quien conho postou esta cousa!!!

James disse...

bem, os concertos destes fulanos devem ser mesmo hardcore! quero ver!!

Anónimo disse...

teneis que oubir La Çaramontaina.

Anónimo disse...

Mui bien conseguido este texto.
Parabiens Manel.
Pal conho del pormeiro "anónimo", mas tu nun sabes ler?!

Maldito Nitrato!!!

Anónimo disse...

ya bi, ya rebi, quaije me mejaba de tanta risa...
ah manel, adonde saqueste tu isto?

Anónimo disse...

Suona bien peru l rapaç qe´l canta yê fatu i amás nun yê mirandês, que yê americanu