14.10.08

A 12 de Outubre... ua apariçon an Fuonte Aldé

Cuonta la stória que a 13 de Maio aparciu an Fátima, pur riba de ua azinheira e para trés pastoricos, la Nuossa Senhora, que le passórun a chamar de Fátima, i fazirun-le ua capelhica. Pus eilha passou a fazer l sou spetáculo a todos ls 13 de l més, i terminou la Tourée ne l més de Outubre, ne l die pur riba dezido.
Eis que anton aparciu die 12 de Outubre, an Fuonte Aldé, ne l bairro de baixo, an riba de ua figueira, ua personaige/santo peculiar pul sou chapéu de palha i la camisa a modes de Tie Shierta de la O'Neill.
Inda nun se sabe l que quier de l mundo moderno, mas cumo quiera stá allá solo para ber las zgraças que se passan a bezes na associatiba...Ou isso ou anton para spantar ls páixaros de ls figos pur ambaixo dél!
Se fur de la purmeira, scolhiu mal l més, yá que ne l berano ye que stá toda la giente nuoba an peso i an mines. Se fur de la segunda, anté stá a funceminar, yá que ls figos quedan todos para ls duonhos de la figueira, que por sue beç, mui debotos, agradecen!

Santo pimpon i sorridente, stá siempre bien çposto para todos, mas mirai-lo nun die de bento, cumo él se abana para un lhado i para outro, a dezir nó de las tunteiras de l mundo!
Mas ua cousa ye certa, stá siempre de cuostas boltadas para Sendim..

Podemos aprender muito cun quien se assoma a la nuossa tierra...

3 comentários:

Fallen, The Countess disse...

E vocês a malharem nos de Sendim!!
Muito gostava eu de saber porquê...

moranguito disse...

hahahahaha... ya nin ls santos de las figueiras quieren cuntas cun sandin!!! hahahahaha

Atento disse...

Nun faleis mal del´s de Sendin que el proximo preseidente de la Camara, baia ser de Sendin.
Bota jantaradas cun fuorça...

Maldito Nitrato!!!