12.11.08

Ls Pauliteiros de Fuonte Aldé deixan marca siempre adonde ban!

Pus isto ye cierto! Siempre adonde bá l grupo de ls nuossos beiladores, toda la giente se queda cuntenta cun eilhes! Él ye la eiducaçon, la simpricidade, animaçon e la maneira de beilar, que son dels melhores! Yá para nun falar de tan bien parecidos que son! Mirai agora se tubíessen todos uns bigotes balientes que era só rapazas d'atrás deilhes!
...Çculpai, nien todos son assi tan guapos, temos a Artur de eisemplo... Pronto, nun poden ser todos por eigual.

Ls pauliteiros stubirun a beilar porí a més i meio ne l centro de l país, cun ls Galandum Galundaina, nun sítio que cumo siempre, mos recebírun bien. Apuis de l cuncerto lhebaran-mos para la Associatiba deilhes, que tenian fiesta, e dezirun-mos que podiamos boer l que quejíssemos! Todo a correr siempre pul melhor! Tengo que dezir, atençon, que naide se portou mal nien se ancharcou pur drento!

Ora alguns Pauliteiros gostórun tanto de la ouspitalidade que les deixórun ua parede assinada, assi a modes de "Bien Haja!". Bá, ua, dues, trés paredes, yá nien sei, tal fui l agradecimiento!

Pus anton stube alhá you ne l mismo sítio hai dues semanas a cumbersa cul presidente de la cumpratiba. Quedei deberas ampresionado quando bi inda la marca de ls beiladores:Agora nun sei, de las dues ua: Ou gostaram mesmo mesmo mesmo muito de ls nuossos rapazes, ó anton la senhora de las limpezas de ls quadros inda nun cunseguiu acetona fuorte l sufeciente para esquecer la sue marca!

3 comentários:

manel disse...

Diç que tamien la ourganização de Beteranos de la Guerra de l Ultramar www.angola69nuncalative.org tamien stube eiqui!

Fallen, The Countess disse...

Kakakakakakaka!! Antes fossem só nos quadros! :) Ninguem me vai conseguir apagar a visão dos pauliteiros de castigo a limpar as paredes do wc com papel higiénico e sabão, a raspar, a raspar... E um Artur furioso aos berros com eles... Guardarei para sempre! :D

Camposino disse...

Al menos parece que num hai registos de las paredes del quarto de banho.
:)