31.3.09

Diç que quien nun ten perro caça cun gato

Diç que Fuonte Aldé bai a tener un campo para jogos multiusos, para la rapaziada se antretener. Mas anquanto nun chega esse campo (esperemos que seia para brebe), i sin querer meter la política, pude ser que seia este anho que yê anho de eileiçones :) mas diç que stamos an crise, por isso yá nun sei...

Pus cumo yê hábito de las personas de Fuonte Aldé, nun fui por falta de eimaginaçon que deixou de fazer l purmeiro "Oupen Fuonte Aldé" de la sue stória. Ls organizadores metiran manos a la obra i pegoran n'ls caixotes de la reciclaige, que mal alhá cabe ua lhata de sardinas naqueilhes buraquitos (aposta que era para que las personas nun se anganhassen n'l caixote), i assi faziran l campo...agora yá fai mais santido l tírulo...


apuis, chegoran ls aficionados de la modalidade i bola pra lantre...

La organizaçon d'l "Oupen Fuonte Aldé", piede çculpas por l'ancómodo causado pur alguas bacas que passoran n'l decorrer d'l jogo, prometendo que para l'anho seran melhorados estes pequeinhos pormenores.

4 comentários:

al'xandre disse...

Si senhor!!! biba la eimaginaçon de la rapaziada de Fuonte Aldé!!!
Ai uas manchas nel chano, de quei será?
Apostaque foi ua bola que se spaporrou no COURT DE TÉNIS, digo you!!!

manel disse...

hahaha
Essa bola yá deberias star podre pur drento, que saliu todo castanho!

Gostei muito de ber l sebiço multifunçones de l sr. Árbitro/Segura-redes-fio-de-ls-Fardos!

Fallen, The Countess disse...

Epa, nin you me tenerie lhembrado de melhor!!
Zélu, tu cumo árbitro/poste/rede stás l mássimo! Ahahahah :)................................ (Ahhh, bendito tradutor na anterneta!)

Félç disse...

Catano!!!... l que you perdi! onde ponistes ls anúncios?
Quando bi la puosta anté julguei por uns anstantes que iban a star acá las armanas "Wiliams", nun sei se ye assi que se scribe, i se fura l causo nun bos perdonaba por nun m'aberdes abisado.
Yá stá marcado l nuobo torneio?