L die de Antruido ye un de ls dies mais aguardados por ls ninos de la nuossa tierra.
La ACREFA cumo ben sendo hábito desde la sue fundaçon yá ne l passado milénio, promobiu este anho tamien l tradicional çfile que tube buona partecipaçon por parte de ls mais nuobicos.
Habie çfarces para todos ls gustos, zde caçadores, soldados, aqueilhas figuras de la banda desenhada, Maries i Manuels uns mais aprumados no trajar outros assi assi.
L salon de la ACREFA torna-se pequeinho neste die porque para alhá de ls concorrentes, ben muita giente para ls ber i aplaudir.
No final de l çfile que decorriu cum muito entusiasmo i alegrie, hoube ua surpresa de la qual toda giente gustou tanto que bai a dar que falar durante muito tiempo.
Tengo muita pena de nun bos poder mostrar l filme que realizoran, mas nun l tengo en miu poder, mesmo assi deixo-bos uns retratos de ls partecipantes, de l bincedor i de ls amigos Quim i Zé .
Pus la surpresa nun fui nada mais nin nada menos que aqueilhes dous de la troubison, ls de l Curral de Moinas en carne i uosso.
Parabienes a tods ls partecipantes, specialmente a estes dous que tanto debertiran l pobo. Parabienes a la ACREFA por mos proporcionar estes spectáculos, pena ye que nun se fagan mais eibentos i que nun seiamos mais ounidos i lhuitemos todos para l mesmo fin.
3 comentários:
L tius esses dal curral de moinas stan mi bien i aposta que cagoran lérias todo l die mas pra mi l garotico bestido de coneilha ie l melhor... esse num precisa abrir la buoca pra mos enchermos de rir... Gostei... :D
La A.C.Re.F.A fui sin dúbeda mui pequeinha pra tanta giente que lhebou l´antruido mui a sério.
Quiero dar ls parabienes a todos ls partecipantes y era bouno ya que la giente gusta de l´antruido, tantar fazer pal´anho un baile/fiesta de maçcaras ou çfarces, nun solo pra ls pequeinhos mas si pra toda la giente.
Ls parabiens tamien pra Jesé y Jaquim (pienso que fui assi que se denominoran) nel programa Tele Curral.
A ber quando ponen l video y esperamos todos que haiba más eipisodios.
Hello everyone! I don't know where to begin but hope this site will be useful for me.
I will be glad to receive any help at the start.
Thanks and good luck everyone! ;)
Enviar um comentário