6.2.08

Antruido an Fuonte Aldé




Diç que an Fuonte Aldé tamien se fai l'Antruido, mas nun ye só diç que, proba-lo la grande fiesta que onte se fiç no café de la Associaçon.
Deixo-bos eiqui dous retratos que eilustran un cachico l que se bibiu na nuite de Antruido.
Antruidos para todos ls gustos; ua princesa, que le dórun outra nomeada mas ye carnabal!, un galharó, la mesma cousa, até parece que ye acente!, capuchicos burmeilhos, palhaços, bruxas, gaijas pimponaças com tetas de farrapo bien puostas, un cuznheiro i muito mais. Música apropiada pal eifeito cun famoso "Di Jei", parece-me que ye assi que se diç, muitas fitas e balones i tamien un raio de papelecos redondicos mais chatos que l catano i animaçon a la farta.
Todos ls Antruidos tebírun dreito a prémio que la ACREFA patrocinou i apuis de séria butaçon, doran-le l pormeiro prémio a Susana 2008, que sin dúbida fui la mais pimpona cumo podeis ber neste retrato.
Mas ast'anho l'Antruido, apesar de star bien animado, deixou ua marca negatiba, ua falta amperdonable!
Pu la pormeira beç an tantos e tantos anhos, quebrórun la tradiçon; nun fazírun ls casamentos. Que falta de respeito por aqueilhes que desde siempre ls benen fazendo i por las rapazas que ficórun toda la nuite a scuitar quien l'habie calhado este anho.
Speremos que isto nun se repita.

6 comentários:

zechico disse...

Podes crer Félix, este ano quebraram a tradição, não sei como foi possível. pelos vistos a tradição já não é o que era.

Reporter de "Ti Marta" disse...

i You fiquei sien la mie reportaige de ls casamientos, Ti Marta ya me querie çpedir, puis nun se fintaba an mi que nun ls abien feito.

zechico disse...

Nel sabado, die 16, bão a poner na trebisão l bideo del carnabal 2008, pulas 9 horas dla nuite.
Aparcei todos pra ber.

Anónimo disse...

Morreu o Blog.

Zeek disse...

L que nun antendo ye de que iba çfraçada la rapazica ...

manel disse...

ye berdade... al fin de un mes, splicai-me alhá de que iba bestida la rapaza? de rapazica?