21.10.07

Menos un menumento para Fuonte Aldé

Diç que oubirun dezir que ban a sbarrolhar l coreto ne l parque. Essa magnifica obra da arte cun l'arquitectura de uns quantos que nun sabien mui bien cumo era, mas cun muita buntade e sabedoria para todo fazer, bai a ser sbarrolhada prossimamente, inda nun se oubiu dezir para quando será, mas ye cerca.
Esta obra fui usada inda un par de bezes, mas hai 5 ó 6 anhos que solo sirbe para guardar ls rachones de la associatiba i acolher familias ciganas. Ye portanto assi cumo un cabanhal mas moderno de la arquitectura falada anriba.
La berdade ye que ne l pobo stá quaije toda la giente de acuordo purque yá nun serbia para nada e só criaba piolhos e carunchos. Digo quaije toda la giente purque yá se sabe, quando se faç algo, hai siempre quien seia de l contra. Assi, cul sbarrolhamento, por eisemplo, tie Furmina yá bai a poder ber de casa quien chega na carreira, sien tener que ir pa la rue de baixo. De la misma maneira you yá bou a poder ber la spanhola durante todo l camino que faga de sue casa a la casa de l'abó de las saias!(Nun ye que steia mui anteressado, mas ye solo para dar outro eisemplo).
Ls que nun gustórun de la notícia yá marcórun ua manifestaçon de protesto contra l sbarrolhamiento. Speran-se assi portanto uas 20 famílias ciganas, la metade deilhas, antigos usuários de l coreto, i la outra son parentenas de ls antes citados. Spera-se an special la familia de l tiu que ten 11 filhos, dous deilhes rapazes, porque agora las rapazas yá starán an eidades casadeiras. Será assi ua de las oucasiones que Fuonte Aldé tenerá mais rapazas na tierra.
De l campo que quedar adonde stá agora l coreto, you aperponia que se fazissa un campo çportibo de l jogo de la belharda! I apuis ourganizábamos l purmeiro torneio regional de la belharda...

6 comentários:

al'xandre disse...

you sou contra que l sbarrolhen, fai-me tanta falta a bezes para poner l miu carro a la selombra. you stou puls ciganos!

Palmeiros disse...

Cun este sbarrolhamento, bamos a perder las graburas antigas pintadas cun carbon i teilhas.
TODOS CONTRA L SBARROLHAMENTO!!!
Bamos a preserbar las pinturas de Manel, Zé, Zélú, Artur, Ségio, e de toda ua geraçon que contribuiu para que las paredes stubissen mais lindas.
Hai que retratar todo, fazer ua análise, un studo fuorte para nun perdermos esses gatafunhos dun sítio que se falasse, teníe muito que dezir.

Zzç disse...

hahahahah!
ye berdade! las pinturas ban-se a perder...
qdo sbarrulharen l cureto you bou guardar dous ou trés bloquitos.
habemos de fazer um muro cun estes zeinhos :D

Topo disse...

Inda me lhembro cuando sbarrulharon l de Miranda que quedaba en l Castiêlho. N'l de Fuonte Aldé diç que tene ls ciganos mas an Miranda nun habie naide i bien que l sbarrulharon...

Anónimo disse...

pus parece-me que aqueilhes zenhos staban mi guapos...you inda cheguei a fazer un ribeirico por aqueilhas paredes abaixo...pus tenie que ser...nu l sbarrulheis...

Anónimo disse...

Puis ye, çqueciste-te de ls marroquinos que tantas bezes pernoutoran alhá. You propongo que cun aqueilhes blocos se faia uña piscina pra mos metermos alhá nel berano! Por mi ya debie tener sido sbarrulhada à bien tiempo! Agora cun las pinturas ye que nun sei cumo bai a ser!!!