6.6.07

L Filme de L’ Alemanha

Diç que este die , uns rapazes furan a ber ls alemones i las alemonas, nun ye nenhuma qualidade de melones que se apanhan no prado. Eilhes alhá só smeian cebada, i ls rapazes furan alhá a colhé-la ya no sou stado liquido, quando sal de las torneiras fresquita i pronta a matar la sede.
Ls gandulos bien l gustaban las ruças, mas durante l die la bica staba fechada, pur culpa d’uns bichos (“zombies”) que podien aparecer l fim de la nuite i antraban drento de las pessonas i las oubrigaba a ir lhougo a drumir, ou plo menos pa la cama, só nun podien star alhi n’l meio de la giente cun ls ulhos cerrados i cun las belas cumpletamente ancharcadas…Mas a la nuite eilhes çforraban-se, cuntoran al nuosso blog que la bica d’alhá era parecida cun aqueilha que stá al pie de la ordeinha, onde fui la Trindade, tenie quaije siempre las torneiras abiertas…
Na cunbersa cun ls alemones que recebiran ls rapazes, eilhes deziran que gustoran muito, que eran rapazes mui guapos, animados i querien tornar a cuntar cun eilhes pa l’anho. Este anho furan atingidos ls parâmtros mínimos de 25 barrils por die, mas pa l’anho ye preciso trabalhar mais porque ya chubiran ls mínimos.
Un die ls alemones oubrigoran-los a ir al festibal de la cerbeija, ls rapazes nun querien ir, eilhes nun gustan i só fuoran porque ls alemones son mui grandes i agarrorun neilhes a la rastra, mas apuis cuntrariados alhá faziran la fiesta.
Outro die fuoran a la catedral de Ulm, ua tierra alhi acerca, ls rapazes guostoran muito, ya me deziran que biran alguns rapazes drento d’aqueilha capielha que na fiesta de la Trindade só ls bistes na capielha mais pequeinha d’l cabeço i agarrados a ua ruça fresquita.
Estes rapazes lhieban siempre la sue burrica para onde quiera que ban, reparai cumo nistante se chube cada un na sue…


Toda la giente gustou muito d’ls Portugueses, faziran muitos amigos i amigas pus claro, afinal eilhes eran só rapazes i eilhas alhi nun se deixan drumir…
Inda hoube un die que ls Italianos nun ficoran mui cuntentos, tebiran la ablidade d'zafiar ls Portugueses para jogar la bola, ls Italianos dezien que eran ls campiones d’l mundo i andaban siempre a cantar na lhengua deilhes: ”Siamo campioni del mundo”, mas tamien son cumo l cuco de Fuonte Aldé, só canta no sou tiempo i la pormanhana, porque l fin, era Portugal que cantaba, ganhou a la Italia por 5-3, ah balientes.
Toda la giente puode quedar çcansada que ls rapazes faziran sucesso, mesmo quando un d’eilhes ficou conhecido por l “Lord of Furtz”, mas todos guostoran muito, i se Dius quejir deiqui a uns dies ya tornan outra beç. L que antressa ye que passoran ua pândiga durante uns dies.

Qualquira aparência cun la realidade, nun bos finteis ye pura imaginaçon…

9 comentários:

CAMPOSINO disse...

Ua semana mui mas que mui bouna. Ye que fui bouna an todo. Beni da-lhá mui contento de tener fazido parte deste grupo tan buono. Cun grupo destes nun tengo miedo de ir onde quier que seia, porque sei que l país i las tierras de miranda fican siempre mui bien bistas. Rapazes mui animados, que gustam de dançar las danças que num son deilhes, i arriba de todo, mui educados e mui respunsables. Cumo dixe alhá un de la organizason; "l mais importante nun ye l que fazeis an palco, mas si la maneira cumo cunseguis cumbiber culs grupos dels outros paises", i até nisso esta "cambada" furan ls melhores. Ua equipa fantástica i unica. Obrigado a todo l grupo por me fazer santir cun tanta proa de ser pauliteiro i de ter stádo alhá a represantar Portugal.

Zeek disse...

You faigo mies las palabras de camposino :D

I parabenes al repórter pur tener cunseguido screbir subre l q se passou pur tierras alemanas :D:D:D

manel disse...

Que fantástica semana lhebemos alhi! Mas quien beia isto ate puode pansar que só buíamos, mas nun ye berdade! Fuomos ls que dançórun mais, pauliteiros, danças alemanas, ucranianas, italianas, croatas.. tamien fuomos ls mais simpaticos, biençpostos e eiducados! Inda mais, assino pur baixo de las palabras de camposino! Melhor grupo queste nun hai!

PalMeiros disse...

eheheheheheheheheheheh
eheheheheheheheheheheh
Biban ls Zoombis?
Mui Bie, ZéLú

CAMPOSINO disse...

Àh Paulo nun ye Zélú, isso era datrás, apuis de l´Alemanha l rapaç anternacionalizou-se, agora ye GiGi, mas cun pronuncia italiana, nun ye pra todos. :)
Ls zombies, ls zombies, bi uns poucos l fim de semana que passou. Mas nun se furan a deitar! :D

Benoit disse...

ls "Portugueses" querien é fiesta rija cumo se cumproba no bídeo :P

(quase que sabia escrever Mirandês, falta um bocadinho assim!)

disse...

Antes de mais parabéns pelo blog!
Continue com o bom trabalho!
Convido-o agora a visitar:

http://aguia-de-ouro.blogspot.com/

Futebol e política num só!
Já agora se quiser adicionar à sua barra de links laterais esteja à vontade para o fazer!
Obrigado!

benny disse...

Pus yê! ya me habien dito que l's gandulos de Fuonte Aldé stebiram pur las tierras d'ls "Germanicos", que tebiram miê bien a representar ls purtueses e ls mirandeses.. Inda tebiran la amablidade d'l ganhar ls Italianos a jugar la bola.. Si senhor!!
cun que anton la bedeta Zelú ganhou ua nuoba alcunha:Gigi?!
disso num te gabeste tu, gandulo! ;)

mtos parabens plo blog, tá fantastico*

ZeLu disse...

L's Italianos até stremeçan so d'oubir falar n'l GiGi...:)

Que balientes dies que se passoran...Só bisto...Cuntado naide acredita:)