13.7.06

Apresentaçon an antemano de l programa de la Fiesta de Sta. Bárbela!


Diç que ls repórteres deste mui afamado blog ya tubirun anformaçon de l que puoderá ser la nuossa gradiosa Fiesta de Santa Bárbela!
Inda nun se sabe al cierto an que die bai a ser, pur dous razones: diç que ye porque inda nun se decidiu, e tambien porque se stá a la spera de l resultado de l referendo para decidir se bai a ser a la semana ou ne l fin de semana, purque l'anho passado tubírun porlemas (ou fui por cousa de un cartaç, la redaçon yá nun s' alhembra..). Deç-de yá se abisa que quien tubir oupeniones que las ponga eiqui, para ls mordomos beniren a çcutir-lo tamien.

Diç tambien que ye capaç de benir ua sorpresa para la nuite, benirá de l outro lhado de l Atlántico! Al cuntrário de l que 65% de ls besitadores de l blog starán a pensar, nun serán strippers! I tamien para ls outros 35% nun quedaren a pensar, tamien nun serán stripers homes! Tambien nó, para uns 2%, nun seran homes/ties transexuales strippers!! Pur anquanto queda an segredo, anquanto la mordomie sigue cun las negociaçones. Soube-se a cachico na redaçon de l blog que alfinal ls Xutos & Pontapés (Patadas i Puntapies an mirandés) nun ban a poder star, cun muita pena deilhes, dizen, purque agora só se apresentan al bibo an las Queimas (de sponjas cinzentas) por ende afuora.
Bamos aton a sperar pur mais nuobas subre la fiesta, que se spera star chena de giente, e adonde se ban a fazer debertimentos a la tarde para ls mais nuobos e tamien para ls grandes (a la nuite tardie cuntinua l debertimento d'ua maneira un cachico diferente) . Bai-se tamien poder porbar la boída tradicional desta tierra, apreciada pur toda la Çeita, que ye l bino i la cerbeija, que diç que salen bien acumpanhados cun uns entremoços bien curados!
Bai a ser de refinfa l malho la fiesta!

5 comentários:

Palmeiros disse...

A festa de Santa Bárbara devia ser o ponto de encontro dos blogueiros da Terra de Miranda e arredores.
Há que lançar este convite a todos os fazedores e leitores de blogs.
Bós que dezis?

Zzç disse...

acho mui bien!!! q se junten ls blogueiros mirandeses todos na nuossa terrica!!! solo spero q nun haba cacetada :P

i grácias a Sta. Bárbela q nun tenemos alhá ls Xutos e Puntapés... conho q eilhes stan an todo l lhado agora...

Topo disse...

Num yê mal alhembrado. Bamos a ber se todos stan çponibles l die de la fiesta.

Anónimo disse...

cuntratai als Xutos & Pontapés que ye la banda d la malta de fuonte aldé...

arriba founte aldé

Anónimo disse...

This is very interesting site...
» »