23.5.06

La imprensa de Fuonte Aldé stá siempre n'l lhugar cierto a la hora cierta!!

Diç que a las nuites (i dies), la jubentude gosta de beber ls sous copos. Este die quando stában a salir de la cuopratiba pra ir até l'Intalaia, la "boate" de l questumbre (disputeca cumo muitos l chaman), alhá staba a spreitar la tie de l jornal, para no die seguinte tener las nubidades calenticas i prontas a spalhar pur l'aldé. De quei se habien de lhembrar aquels gandulos? Querien cumbidar la tie para ir cun eilhes, chegórun mesmo a apostar ua grade de cerbeija cumo nun tenien curaije para la cumbidar!
Buono, muito çcutírun i naide ls tube no sítio para la cumbidar, aposta que tenien miedo que benisse a cuntar a sous pais quien éran las sues "bechigosas"...
Quando bolbírun, parece que inda traíen sede i tornórun a abrir la cuopratiba (porque cun la sede nun se brinca), mas pal sou spanto, tenien porteiro, era um rapaç que se iba a çpedir de la "Taberba Fuora d'Horas" que cumo ya se sabe bai ser bendida. L rapaç querie lhebar uns mantimentos pa la nuite, pus iba alhá a stear-se, relhembrando ls bielhos tiempos i spedindo-se assi de la taberna. Bie-se ne l sou rostro que staba triste i desolado cun tal destino de la taberna, yá que desta beç nien sequiera tubo buntade d'ir a ua lheinha a saber dun capão i uas menudas (tantas bezes tio camposino mos quijo acusar de l tirarmos) para fazer lhume i assar uas chouriças para ajudar a amarrar l bino!!
Mas rapazes, estes boubicos son muito supriores a bendas, OPA's i todo, pur isso num hai que temer!
Haba salude que estes gandulos dan cuonta de l restro! Ah Mai ah Mai!!!

8 comentários:

Mag disse...

antenda-se que fuonte aldé ten uñas buonas nuovas, mas en las outras aldês tamien se passam cousas... Ah Mai!

Anónimo disse...

Cuidei que lhebabades la jurnalista cun bós a la çputeca...
Stou a daprender cum bós a scribir.
Pul menos yá bal para algo este blog!

zzz disse...

inda habemos de cunseguir!!!
quando eilha çcubrir q alhá nun faltan notícies para cuntar subre giente de to las tierras de miranda... há-de aparcer eilha na cuopratiba a preguntar quien la lhieba!

camposino disse...

Bás a ber que un die destes, depuis de starmos cun l "tiu de la pala" inda mos bamos alha! Quien sabe se nun fai cumo cun ls jeovas e bai lhougo atras de nos!!!

Anónimo disse...

ehehehehe
Quien ye l tiu de la pala???
PM

ZeLu disse...

oh!!! l tiu de la pala, esse tiu yá dou muito que falar, e rir...ah... só qien l conhece yê que sabe:))

camposino disse...

Grande home esse de la pala.
Ye isso Zelu, solo qien trabou conhecimiento cun el ye que sabe al berdadeiro balor que esse home ten!!!

odeusdamaquina disse...

Que porra, mas eu não sei falar nem scribir em Mirandês. mas bou a aprendir! Penso eu de que!
Um forte abraço a Zelu, amigo e companheiro.
Quero aprender l Mirandês.

Consultem o mariapernilla.blogspot.com e arremacho.blogspot.com, dois blogues onde escrevo.