Yá nun chegaba la Quemunidade Ouropeia (CE) andar a acabar cun todo an Pertual, que agora birou-se diretamente para Fuonte Aldé.Passo a splicar: aqueilhes gaijos quieren acabar cula fiesta de la SS. Trindade. I cumo l ban a fazer? Çpuis de dáren buoltas i buoltas, lhembrórun-se de fazer las eileiçones ouropeias ne l mesmo die que la nuossa digníssima Fiesta. Se esto nun ye ua afronta a Fuonte Aldé ye l quei? A seguir ben l quei? Anstalar todos ls departamentos de la CE ne l balhe de Fuonte Aldé?
Tenemos 3 heipóteses para fazer cun que la SS. nun acabe:
- Marchar subre Lisboua i tomarmos l Parlamento (mas nun cuncordo mui cun esta, la cousa puode correr bien i depuis somos nós que tenemos que barrer aqueilha porcarie to para la rue)
- Marchar subre l Parlamento Ouropeu (tamen nun cuncordo muito, puode correr bien i temába-mos l cunta de la Almanha, Anglaterra, Spanha i Fráncia. Mas possiblemente arranjábamos porblemas cun ls EUA i podiemos zancadear la 3ª Guerra Mundial, i ls nuossos filhos nun ténen culpa que uns tontos afronten la Fiesta de la SS. Trindade cun uas eileiçones).
- Lhebar las urnas para l Cabeço de la Trindade, pedir-le a Ti Dárida para tomar cuonta deilhas (que eilha ja tubo un negócio desses), i fazer la fiesta i botar al mesmo tiempo. Que dezis?
Biba la SS. Trindade, Biba la Mocidade de Fuonte Aldé, Biba Fuonte Aldé!
7 comentários:
Tenemos scritor nuobo!
Bien-benido, ah Nabalho!
Pus la tue terceira opçon parece-me mui bien. Iba a ser la forma de tener muita muita giente na fiesta de la Trindade!
Tamien teneriamos outra maneira de la fazer: era fazer las rondas, cumo siempre, i apuis, ne l fin de la ronda de cada pobo, staba la carreira de la Cámara cun las puortas abiertas pra mos lhebar a Bila Chana.
Assi serien las Rondas mais grandes de la stória, porque eran an buolta de la Capielha, seguian 6km de carreira, apuis anquanto uns botaban, ls outros quedaban polhí a bozear, i apuis fazian-se mais 6km anté a la Capielha, i inda se boían mais uns FriSumos!
Claro stá, siempre culs ramos, gaitas i bombos a abanar!!
Ora biba Marco, mui bien.
Eiqui stá ua baliente pusta, mui angraçada.
Parabienes por la purmeira i spremos que seia la purmeira de muitas e balientes cumo esta.
Ora sendo Fuonte Aldé ua tierra cun giente que nun gusta de se meter an problemas (desde que nun se acabe la cebada:) ), tamien me parece melhor na terceira opçon i assi toda a giente queda cuntenta.
ah marco, nun te benga a la eideia de fazer ua grebe de fome, nin tu nin naide...nun bés que isto peç que ye moda, agora?
ye berdade, quando bai a ser la trindade?
Parabienes Marco, faziste ua antrada an grande.
Nunca a mi me passou pu la eideia las cousas que eiqui scribes, mas stou completamente de acordo cuntigo. A l Dr Dre dou-le you la respuosta: la fiesta de la Trindade ye l die de las eileiçones, nun liste l post de Marco!
Abraço,
Félç
Até me envergonho de escrever aqui em "pertues", mas se me pusesse a inventar mirandês ainda me saía pior... Grande blog, rio-me sempre com as belas das postas! Apesar de não ser mirandês, sou da Terra Fria (Vinhais) e longínquo descendente de mirandeses (Speciosa). Gostava de saber falar e escrever mirandês aqui por Lisboa, mas o tempo não dá para trabalho e mestrado e aulas de gaita-de-foles ao mesmo tempo... Um dia, quem sabe? Ao menos já tenho lá por casa o "Asterix, l goulés"!
Tive, nos meus tempos de Salesianos de Poiares, alguns amigos dessas terras. Lembro-me de um Artur que era precisamente de Fuonte Aldé, andou lá até 1996.
Meti no meu blog um link para o vosso blog. Continuação de boas postas (mirandesas)!
Bienbenido sr. Imigrante Mirandés!
Pus nada mais nada menos que l tou colega de Poiares tamien ye un screbidor de l blog! Dá pul nome de Camposino por estas e-tierras.
Para screbir an mirandés, i anquanto bais daprendendo, tenes ua buona opçon, que ya se falou noutra posta, i stá tamien nas ligaçones eiqui al lhado: http://tradutormirandes.pt.vc/
Scribes an pertués, i sale-te an mirandés!
Enviar um comentário