Diç que la cluobra de la lhameira comiu la lhéngua als fazedores deste blog... I tamien al crítico oufecial deste blog que sien nós a fazer algo, nun puodo screbir mais nada pra criticar.
Este sábado que passou (díe 3) si stubirun a filmar an Fuonte Aldé. L filme ye ua curta metragem sobre mineiros. Stubirun a filmar an baixo dun carrasco alhá pal Recuostro an pie de la ancruzelhada. Quien filmou fui un grupo do Porto que se chama Circolando. Hai que dar que falar de Fuonte Aldé nien que seia bien!!! Esta si nun ye "diç que"...
Stan a ser eilaborados ls statutos para criar l Moto Club de Fuonte Aldé. Este será çfrente de ls demás, solo seran admitidas motas de grande porte como las que stan no retrato de la notícia anterior. Assi que yá sabeis, quereis ser associados? mercai motas destas, you yá stou a spera de ua.
Diç que Maclino cumprou ua nuoba mota, pus yá deberie de star farto de andar de citroen! Hoije diç que yá fui deiqui a sendin. Agora nun hai quien l pare!!!! Ran....Ran....Ran......
Diç que l tratorista de Fuonte Aldé ha cumprado ua anfardadeira nuoba, pus el ya deberie de star farto de ber a Pera de Dues Eigreijas a anfardar an Fuonte Aldé. Ls anformadores dizen que la tenie ido hoije a besca-la a la oufecina, pus debie de precisar de rebisones. Agora só bai a ser anfardar!!!!!!!