Pus l pobo falou cun clareza i ampenho, nun total de 44 botaçones, i dixo 68% de la giente que las cousas deben de ser lhibres!
Ora cunsiderando que Fuonte Aldé ten solo uas 70 personas a biber acá, poderíamos dezir que la amostra statística ye claramente representatiba de la populaçon an studo. Nun fuora 70% de la giente tener más de 50 anhos i pouco saberen de cumpotadores, diríamos que eran eisatamente esses bielhos que quererían la anternete lhibre!
Mas nó, bien sei que eilhes la quieren lhibre, mas nun se antendírun cun l botonico adonde tenian que carregar (dezírun-me-lo por lo menos trés tius). Por isso tenemos que pensar an todos ls que nun biben a tiempo anteiro acá, mas que bénen de fins de semana i bacaciones, i guostan de traier l cumpotador i star actualizados de toda la bida na aldeia global.
Bien sei que nós nun mandamos na ourganização de la anternete, mas ls eilustres Presidentes habian de ber isto cumo ua afirmaçon clara de l pobo.
Outra cousa se çcobriu desde la polémica de las páginas de malucas, ye que l senhor doutor doutorado cun 28 anhos quedou amuado por le habermos dado ua correcçon sobre l sou mirandés, i nunca mais screbiu eiqui.. Dizen que presunçones nun son para este blog.
Eiqui stá la lista de resultados:
Ye todo ua cochinada, hai que bloquear essas cousas! Ide para Urrós se las quereis ber! | 1 (2%) |
Las cousas deben de ser lhibres i que cada un faga cumo antendir! | 30 (68%) |
Ide mas ye pal parque jogar a bola i zligai l'anternete! | 5 (11%) |
Que se amolen las gaijas, l que you quiero ye cerbeija! | 8 (18%) |
Votos apurados: 44
12 comentários:
Malucas!! Malucas!!!
Cumo yá dezien alhá ne l Benfica (esse clube que cuitado, bibe de rendimentos de l tiempo de Salazar!) : «Deixen jogar las malucas!!»
Curjidoso ye ber que la sigunda mais botada fui la "Que se amolen las gaijas, l que you quiero ye cerbeija!".
Se calha la botaçon habie sido çfrente se se tubiera usado l termo "malucas/malucos"...
Ó anto l que eilhes quieren ye mesmo solo l bendito licor!
Caro amigo manel pus you tenho stado atento al nuosso blog, inda nun participei porque ls temas que alhá colocórun para mi nó ten antresse algun, quede claro (para mi) stá ye a mie oupinion quede claro. An relaçon al comentairo refrente la correçon de l miu mirandés fico grato pus naide ten oubrigaçon de saber todo, mas mais te digo, you sfuorço-me an screbir pus l miu lhenguístico mirandés nun ye tan purfeito cumo querie, mas ua cousa queda clara you screbo mas nun bou al tradutor, cumo tenho reparado an alguns comentairos. Nun sou presunçoso, cumo tu dizes pus you anfrentei simples ataques por boç feita ten que reparar que la berdade dói. Mas ua cousa pregunto esto ye un blog de fuonte de aldé ó solo de alguns? An relaçon la botaçon ganhou l mais botado, ye justo que tenho que dar a mano la palmatória, mas ua cousa boç digo qualquier pessona poderie botar las bezes que quizese esso queda fácele de ganhar mas ……… fico admirado! Anque nun ne ls antendermos alhá mui bien tenho que felicitar pul sous comentairos eiqui postos (Diç que la censura anda por ende) bisto que el cunseguiu por baries oupiniones an çcurso participórun pessonas que nunca eiqui screbírun i mais tubo 53 comentairos , mas tamien parabienes para ls outros todos que eiqui participórun .
Cabeço de las binhas
Saudaçones para todos boç
ah manel, l melhor será buer essa poçon de cebada, i apuis besitar las tontas essas...parece-me que se anima mas l'ambiente!!!
gaitas i çanfonas ye fiesta rija!!
Ah Tiu de las Binhas, pus nun usar l tradutor nun ye nada de un se agabar.
Purque quien usa l tradutor antende-se muy bien ;)
Saudaçones para ti i para bós todos
Ah tiu de las Binhas, bienbenido de buolta, pansabamos que bos habiamos perdido. Pensaba que yá nun era personaige biba de l blog. I él hai que tener siempre ua personaige cuntrobersa...
Este blog ye simpresmente de la mocidade de Fuonte Aldé, nada oufecial, solo de alguas personas que gostan de l pobo i de todo que le diga respeito, por isso tamien botaçones eiqui feitas nun balen nada, mas serben para poner alguas personas a falar.
Agora era buono tamien se ls outros que abriran la boca na outra posta, que cuntinuassen a partecipar tamien..
Abraços a todos(as)
Caro amigo Zzç buonas nuites solo le quiero splicar que nun dixe que sou contra al tradutor pul cuntrário sou a fabor pus tenho un grande respeito por Secilio que ye un moço i yá custruiu ua maquina destas. Mas you sclareço-te porque nun uso l tradutor: 1º porque gusto de splorar las minhas capacidades 2º sin nun fusse assi tu i l resto de l que screben i saben mais que you de la lhenguística de l mirandés nó podien criticar-me. La manel pus se este blog ye solo para alhá mocidade pus ls mais bielhos cumo you nun ban poder participar ó bás abrir ua ouportunidade para 2 ó 3 mais bielhos que eiqui screbemos.
Un abraço para todos
Cabeço de las binhas
Yá bistes que an Fuonte Aldé las páiginas de malucas yá nun stan bloqueadas???
Cabeço de las Binhas: Nós sabemos, i damos-te un bien-haija pur iso :)
cada bez antendo menos desto....
simpre pansei que esto era para todos!!!um die habera justicia!!!
ah amigo anónimo, splica melhor l q screbiste purque nun se antende...
falas de quei? de l'anternete, l blog, las bacas tourinas, mirandesas...?
falo desso todo!!! mas am spacial dal blog!!!
ah bom!
mas l blog si ye de todos!
i stan eiqui ls cumentairos para q todos bós mos deiades las bossas oupeniones.
mas claro, las postas solo las scribe quien dá la cara y nun se sconde detrás de l'anonimato :)
un die destes abrimos mais lhugares, mas yá lo anunciaremos :)
Enviar um comentário