Diç que ne l passado fin de semana saliu ua comitiba de Fuonte Aldé a camino de Lisboua, para un cungresso de tratores Baltra! Sendo la terceira marca de tratores mais rodada an Fuonte Aldé, solo fuorun 4 personas. Cumo sabeis an purmeiro lhugar stan ls Lamburzinos, lhougo seguidos de ls Másse Fergúçons. Él habie mais un par deilhes, mas achórun melhor quedar acá, yá que la cerbeija eiqui ye mais barata.Diç quien ls biu baixar de la carreira an Lisboua que era la comitiba mais guapa de siempre. Era l nuosso cunterráneo que nun ye dacá i tiu Couso culs sous melhores fatos de casamento, prontos para beren i tocaren ne ls nuobos e balientes tratores. Stá probado que cada beç hai menos casamentos, la giente nien se casa nien nada, por isso nada melhor que aporbeitar ua cumbençon de tratores para le tirar la naftalina a las fatiotas.
Será porí que nun hai casamentos acá porque la anternete deixaba amostrar uas malucas? Pus eso agora bai a demudar, yá que nun se puode, i hai que salir de casa para las ber. Mas se fuormos a ber, él hai un grupo bien grande de solteirones an Fuonte Aldé, i datrás nien sequiera habie anternete para se çtrairen i nun saliren de casa! A ber se alguien me splica este fenómeno...
Ua cousa ye cierta, estes dous eilustres de fato bien lhabórun ls uolhos an Lisboua! Él tanto por ber tratores tan galanes, cumo por ber rapazas buonas, que ye sabido que se ancontran muitas nun cungresso de tratores!
Ls outros dous que fuoron, yá se sabe, dá-se-les tocar l traste por ende, i buer uns copos an sítios çfrentes. Desta beç fui cul pretexto de ir a ber tratores, claro!
Aposta que uns poucos de garotos quedórun ancantados a ber este trator todo "chuning"! Tengo que bos dezir que fui you que l pintei, mas ne l Photoshop!
Bien proua tenerian alguns rapazes que you sei se tubíssen un trator assi! E eilhes nien sequiera ténen Baltras!
4 comentários:
Apuis quando tebires bagar fai uns autoclantes para you poner n'l miu Lamburzino, yá tengo un rádio "PuntoAzul" ou cumo se diç... tamien yâ tengo l scap birado para riba cun ua tampica na punta :)
Isso nada, nada...
Nun hai nenhum que chegue a l Ferguson Pope Truck que maquina potente simpre protegido pela gracia de Deus Nousso Senhor!!!
I bou-bos a cuntar uã coisa que poucos saban, andebiu a lhabrar l jardin de las oulibeiras muito tiempo! Mas bós que julgais!!!
Massey Ferguson Pope Truck- Special & Limited Edition
Que máquina (",) (",) (",)
Claro que si a Camposino, mas nun ye un qualquiera que puode santar alha l culo porque antes de l poner a trabalhar ai que l cunfessar ls pecados. Este trator fui comprado an leilon spuis de la muorte dul papa Juan Paulo sigundo!!!
Ye berdade camposinos, agora ye que me alhembrastes de qual bai a ser la prossima reportaige!
Yá stá ne l fuorno a apurar-se há un més!
Enviar um comentário