18.10.10

18/10/10

Galandum Galundaina gánhan 1.º prémio Megafone
Acabo de benir de l Centro Cultural de Belen (Pequeinho Ouditório) adonde acaba de le ser atrebuído l 1.º prémio Megafone - João Aguardela - Música para uma nova tradição als Galandum Galundaina.
Antes de mais, muitos parabienes als Galandum Galundaina, Alexandre Meirinhos, Manuel Meirinhos, Paulo Meirinhos i Paulo Preto. Fui buono star alhá i poder dá-le un abraço.
Pa la cultura mirandesa ye ua honra. Este prémio cerra un trabalho de culidade que ten benido a ser feito i que spero inda cuntine por muito tiempo.
Nun hai outro modo de la cultura mirandesa ser recoincida cumo un sério cuntributo pa la cultura pertuesa - si, ye esso que ten de ser -, seia na música, seia na lhéngua i na lhiteratura, seia na dança, seia an qualquiera outro ramo. Hai que seguir siempre por un camino de culidade, cada beç mais, i esso dá muito, muito trabalho, nun se faç cun dues cantigas i meia dúzia de cousas anriba la burra. Eisige persistença, sudor i pacéncia, nunca zistir de cuntinar i de fazer cada beç melhor.

puosto por AF an 10/18/2010 01:10:00 AM
Labels: , ,

Parbienes a ls Galandum i bien haja a l Porsor Amadeu Ferreira, a quien l pido çculpa por haber copiado esta nuoba de " Froles Mirandesas".

4 comentários:

sermei disse...

Parabienes als Galandun pul prémio, el merecen.

Zzç disse...

Parabienes als Galandum i a nós todos! Que l premio tamien ye nosso :D

Ah Felç, mas nesse blog de las froels mirandesas hay giente que nun bate bien ou ye algo bouba, nó? Pul que leio ne'ls comentairos...

Félç disse...

Ah Zzç, de poeta i louco todos tenemos um pouco. "cito"

ZeLu disse...

Parabienes mais ua beç! Nunca yê demais...

Abraço