28.6.10

PIÇARRON 2010






Piçarron 2010.



Esta fui la III eidiçon de la única porba de binos que se fai no Praino (julgo you). Parece-me que antandi, que hai yá quien querga seguir l eisemplo noutros lhugares, mas la nuossa ye pioneira nestas bandas.



Fuoran apresentados astanho a la Porba, 16 binos zfrentes i salbo un que diç que estaba yá un cachico a dar para l tempero de seladas, ls outros segundo la oupenion de l juri eran bastante buonos i l Porsor Almendra que ye l porbador oufecial deste eibento, (l único que stubo nas trés eidiçones), la qualidade de la pinga ten benido a oumentar. Solo por esta rezon yá se stá a ganhar, mas queremos que melhore inda mais. Parabienes a ls lhabradores.



Ls porbadores fuoran: l porsor Amendra, Vitor Ferreira, la nuossa cunterrânea Eirene, (por bias de la lei de la paridade tebimos que poner ua tie, i saliu-se mui bien), Abel Nebes de la confraria de de Trás ls Montes i Alto Douro i, Patchi, um espanhol de Fornilhos de Fermoselle, que para alhá de ser produtor de queijo de cabra, de l que melhor se acha en toda la Península Eibérica, ye tamien produtor de binos de grande qualidade, mas que ls sporta quaije na totalidade para bários paises de l mundo; Alemanha, Japon, Canadá, etc. Segundo me dixe el, la produçon nun ye mui grande, mas aposta na qualidade, creio que a la buolta de 12.000 garrafas. Bende toda la produçon. Passo la publicidade i quien quejir poude bejitar la página que el ten na anternet, http://www.lasetera.com/ .



Hoube binos de lhugares de fuora, Prado Gaton, Picuote i Penas Roias.



L pormeiro prémio astanho ganhou-lo Hermínio Rodrigues i l mais curjidoso ye que el siempre bende las ubas a Namora, cumo será que fiç aqueilha pinga!!! l segundo fui para Ramiro Luis i l terceiro para Artur Martins. Debo referir que la zfrencia en termos de pontuaçon era mínima antre ls pormeiros.



La ourganizaçon ztribuiu prendas a ls porbadores i l respectibo certeficado, assi como a a ls trés pormeiros classeficados, ls restrantes tebiramn un diploma de partecipaçon.



Para finalizar serbiu-se ua merenda regada cun las pingas apresentadas ou semol pa ls ninos.



6 comentários:

Almendra disse...

Ide a ber este bideo:

http://www.youtube.com/watch?v=EFH5rvh6GZc

Almendra

sermei disse...
Este comentário foi removido pelo autor.
sermei disse...
Este comentário foi removido pelo autor.
sermei disse...

Parabienes a l'ourganizaçon por mais este ambento. Solo fui pena la pouca adeson de l pobo de fuonte aldé, pul menos durante la proba i nin tanto a l'hora de la merenda.
A ber se pa l'anho alguns perdutores de bino trazen bino mais nuobo, puls comentairos de ls probadores.

Procura-se::::: disse...

Procura-se "Cabeço de las Binhas" ja há muito tempo que n anda por o blog, tem andado com medo de escrever barbaridades





Ah Felix poem ai um topico procura-se Cabeço de las Binhas

Cabeço de las Binhas disse...

Oulá a todos. You nun fui ambora ando por eiqui! Fico cuntento i agradeço aquel que yá sentiu a mie falta l miu mui oubrigado. Mas bisto qu'antes ls gerentes deste blog éran de l contra siempre abia nobidades para çcutir, pus antressaba-le esso, agora que yá dominan todo solo colocan eiqui palhaçadas que le antressan pus las cousas d'antresse quedan na talha, ó será que fuonte d'aldé parou i nun ten nada para se comentar!!!!!