18.11.09

Agricultura de secretária

Diç que la agricultura bai mal, yá naide sabe podar, naide sembra las cortinhas, naide ten bacas cumo d'antigamente...
Pus agora hai un anchiente de nuobos agricultores, uns inda rapazotes, outros yá homes criados. Alguns deilhes nunca tubiran burras nas manos sequiera ua beç. Stou a falar, claro, de l Farmville:
Ye berdade, hai giente que pouco drume para tener la sue quinta siempre cuidada i bien lhabrada. I perguntais bós "Mas l que se planta? Se nun fai burras nas manos ye porque se anda siempre de trator, nó?" ou anton "Conho! Este ten muitas tierras! Debe ser rico.. bou-me a casar cun él"
Pronto, ua cousa de cada beç: podeis plantar todo l que quejirdes, teneis tomatos, cebolhas, manzaneiras, ouliberas, etc etc, e anté cousas de mulheres cumo tulipas, rosas. La rezon que esta lhaboura nun fai burras nas manos ye que para esta quinta solo se usam dous dedos, ls de l rato. Tamien hai tratores para lhabrar, para sembrar i para apanhar.
Cumo ye ne l computador, puode-se plantar a qualquiera hora.
Diç que uns rapazes l'outro die tubiran que sperar hora i meia para iren pal Intalaia porque un agricultor mui dedicado staba a recolher las sues berças..
Este jogo ye melhor que la realidade porque:
-Nun hai problemas culs limites de ls terrenos
-Nun hai caminos a passar por riba de terrenos de outros
-Toda la giente ye amiga, i naide pode roubar las balancias de ls outros!

Mas na berdade nun se ganha nada cun isto.. Solo se ganhan horas perdidas

7 comentários:

Zzç disse...

Ah carai!
Inda bien que me alhembreste, que tengo que ir a segar!

governo disse...

mas mesmo assi nao bos squeceis que teneis de pagar al stado senao nao bai pa la frente!!!

Inda dízen que l'agricultura nao de a denheiro

Ministro da agricultura disse...

Será que estes agricultores têm os subsídios em dia.

Agricultor atento disse...

Pus ye, para fazer esta agricultura, nun i perciso de l'associaçon; pus assi nun perciso d'ir a las reuniones de l'associaçon.

Agricultor agradece! !!!!!!

Anónimo disse...

Num bas tu nem quase naide, mas apuis por fora criticas as que lha stão. É por essas e por outras que la aldé sta como sta. Todos criticam, mas quase naide fai algo, principalmente esses mais criticos.

Mel disse...

Nem mais!!:D

sermei disse...

Naide fala no jantar d'les bigotes 2009. Ya debia star acá la noticia e la data.