17.11.07

La Cena de ls Bigotes! - die 22 de Dezembre

Diç que yá stá marcado i oufecializado! Die 22 de Dezembre dá-se l purmeiro ancontro de bigotes de l praino para todos: ninos e bielhos, rapazes i rapazas, zde que tengan pêlos nas bentas, nomeadamente abaixo de l nariç i pur riba de l beiço superior.
Stá a ser ourganizado pula Mocidade de Fuonte Aldé, i stan todos cumbidados, mas tenen que lhebar essa peluje nas beiças, nien que tengan que cortar pelos de las partes fodengas o doutro sitio pal pegar ne l sítio. Pur isso ya screbí la nuoba eiqui agora para que toda la giente tenga tempo de ls fazer crecer, mismo ls que la tenen menos sembrada nas bentas.
Cumo sabeis, l bigote ye storia an Miranda, Pertugal, Spanha i todo, até habie ua tie famosa por las postas que fazie, que tenie uns bigotes que ampunhan respeito a qualquiera home de barba rija.
Bamos a recordar essas stórias d'atrás, rebibé-las i renobá-las. L bigote queda scolha de l freguês, quier seia cumo Charlie Chaplin, Salvador Dali, Village People, 3 Mosqueteiros, Freddie Mercury, Cardeal Richelieu, George Michael, Frank Zappa, ZZTop, Hulk Hogan, Buffalo Bill, cigano, marroquino, chinês, cowboy, etc... bós sabeis l que quereis fazer culs bossos pélos. Quien quejir cumpletar l retrato cun adereços a cundizer tamien puode.
Mas atençon, nun se admiten bigotes de ditadores, cumo Hitler, Salazar o Fidel Castro! Teoricamente l bigote de Hitler era 3 melimetros mais streito de cada lhado que l de tiu Chaplin, tiu Salazar tenia "bigote feito", e l de tiu Fidel ye barba. Esses son ls trés bigotes que nun se queren.
Apuis de todo splicado, queda dezir que bai haber ua Comisson Bigotista de Abaliaçon de Bigotes para nomear l prémio "Bentas Mais Guapas!", que bai a scolher l bigote mais oureginal. Iremos apuis pal Intalaia a beilar toda la nuite i a mostrar cumo son ls homes de barba rija!
Ls anteressados an partecipar que falen cumigo, o culs outros eilementos ourganizadores de la mocidade. Speramos cuntar tamien culs bigotes stóricos de l praino, cumo l de tiu Desidério!
Biban ls bigotes!!!

13 comentários:

Anónimo disse...

Solo te quedou dzir la data de tan grande eivento! Que ye die 22 de Dezembre i ye pra apuis irmos todos a mostrar ls bigotes pra l´Intalaia. A ber se aparece muita giente!

moreira disse...

y assi miesmo. biba la giente cun pielos nas bentas

camposino disse...

Bota a ber se apereçan muitos cun pelos nas bentas!!! You ya nun bulbo a cortar ls mius!!! :)

Zzç disse...

YOU BOU!
(nun ye al rock ne'l riu, mas si als bigotes!)

José Meirinhos disse...

La mie tamien yá uns dies (bah meses) que nun la corto...Mas hai que l botar uas galhinácias a ber se medra...

Anónimo disse...

Un die oubie un tiu dezir..."Mulhier bigotuda ou p... ou c..." ;-)

Anónimo disse...

pus era essa cunta que you le querie cuntar a manel..."mulhier bigouda ou pu** ou corn***!!!
puis diç que si, que ye berdade...diç que...

Anónimo disse...

Dízen que..." Mulhier de bigode ningun home la fode"... You nun acho bien esta cousa diabólica.Estas tamien ténen l mesmo dreito que las outras. Cuido que tenemos que mos ajudar todos cumo buonos mirandeses que somos, nien que seia ua beç por anho. Pus...armanos i cuncidadanos mirandeses, que neste die de ls bigotes, las ties de bigote quéden cula çanfona calentica... amem, rogai por nós i por todos ls que ténen la barba rija!

manel disse...

Amén a isso, tiu Bispo! Eilhas que bengan que les acalcemos l que quejiren. Diç que nesse die bai a star frio, mas so até a la meia nuite...

James disse...

foi bom teres citado o local exacto do bigode, comecei por pensar coisas que não era!! :p

A iniciativa é boa, é pena é ser longe ... -.- até já estava a deixar crescer a bigodaça...estou aqui com um bigode farfalhudo altamente...enfim...fica para a proxima :P

Depois tens de colocar aqui a foto do bigode vencedor :P

Anónimo disse...

Miu Tiu Abílio sabe deste ancontro???
Félç

Anónimo disse...

Ah caralho ! Se bos apanho a falar assi del miu biyote ! Que bos dou cul miu sacho !

Anónimo disse...

a ber se num aparece uã daqueilhas que tenem bigotes por todo l cuorpo y apuis ye perciso manda-las mijar pra um se orientar no meio de tanto pelo...