Afinal diç que hai mais ACREFAS

Afinal nel mundo nun hai só la nuossa crida Acrefa, cun un cachico de curjusidade ancontran-se outras que nun tenen nada a ber cun Fuonte Aldé...
Se quejirdes cunfirmar, bonda irdes a la página que stá screbida a seguir i bereis que estes se acupan de queijos.
Tamien nun ie pior que nós, baia!
http://www.acrefa.com/inici.html

Cumbersa de taberna an buolta de uns copos

- Ah tiu Zé, diç que andam pur ende uns fidalgos a dezir que l que falamos eiqui ye nun sei quei de l lhatin antigo!
- Bó! Cumo las missas quando éramos garotos? Mas you nunca antandie l que dezie l Cura!
- Pus you eigual... Raisparta essa giente, bénan para eiqui a fazer pouco de nós!
- O senhor não está a perceber... Aqui desenvolveu-se há muito tempo atrás uma variedade do latim que se distinguiu de outras também em formaçao, o galego-português e o castelhano! Além disso estendia-se também até às Asturias e Leão, daí chamado o asturo-leonês!
- Quei home?! Lhatin?! Leon?! Debe star boubico este tiu! Leon ye an Spanha, más para aquel lhado, mas inda ye loinge! Se quereis asperai pula Senhora da Lhuç, que yá nun falta muito! Fázen alhá una feira mui grande, ancuntrais alha todo l que quejirdes!
- Calhai-bos, tiu Juquim, que este rapaç bino eiqui para me grabar a tocar la gaita, nó?
- Por acaso não, eu vim mesmo por causa da língua.....
- Ah, yá antandi todo! Yá sei l que quereis! Ye porbar ua buona lhêngua de cuchino assada cumo só la mie tie fai! Beni cumigo que yá habeis de comer!
- Bem, por acaso já comia qualquer coisa... Bem haja!
- Anton i cumo bos chamais?
- Chamo-me António Leite Antunes.
- Lheite, hã? Cumo anda este mundo....
Eilhes alhá fuoron para casa de tiu Chico, comírun la lhéngua assada, buírun uas copadas de bino, anquanto que na taberna todo seguie eigual. I assi la bida cuntinuou, i estas tierras se quedórun na misma até ls nuossos dies...

Las bacas de Bito tenen tantas patas cumo díes ten l anho!!!

Buonas Fiestas i Feliç Anho Nuobo!!

Toda la redaçon deste blog ben desta forma desear a toda la giente, leitores, screbidores, resmungadores i toda la malta anterbeniente eiqui, un mui buono Natal e apuis ua inda melhor passaige de anho!
Para esso pongo eiqui ua performance feita pur cinco de ls nuossos bloggueiros a tocar ua moda típica de Natal. Esta moda an Fa# maior ye tocada pur un quinteto de garrafas de cerbeija Super Bock afinadas an dieç minutos.
Paç para todo l mundo!

Prémio Jesé Afonso 2006

Diç que l portal Crónicas da Terra fai de la música folk e de la world music l sou tema i ten fin la sue preserbaçon i dibulgaçon. Neste portal pude-se acumpanhar muitos grupos destes modos musicales, assi cumo cunsultar ua agenda mui detalhada de spetáculos que estes grupos fáien pulpaíç todo.
Pus acuntece q la Cámara Municipal de la Amadora cuncede zde 1988 un prémio - l prémio Jesé Afonso - que ten por oujetibo stimular la criaçon musical de ourige pertuesa. Astanho, l júri ancargado de antregar l prémio decediu nun l'atribuir "por não ter encontrado mérito consoante com o perstígio do prémio" an ningun de'ls trabalhos que les fúrun ambiados pulas eiditoras desses mismos grupos. L Crónicas da Terra decediu nomear 8 discos nacionales que segundo este portal cumprem culs requesitos para la candidatura a tal prémio. Nestes 8 discos stá ancluído l trabalho de'ls Galandum Galundaina - "Modas i Anzonas" i cumo la petiçon se fai pur cumentarios ne'l site de'l Crónicas da Terra, queda eiqui l link para que podais tamien botar an quien mais gustardes...
Eiqui stá la petiçon.

La anternete na terceira eidade!

Este resumo não está disponível. Clique aqui para ver a mensagem.

Rock i Balhe para todos!!!

Cun bino i tramoços, la fiesta bai a ser rija.

Rock in Rio - Fuonte Aldé

Diç que ls ansaios pra tocar nel Rock in Rio - Fuonte Aldé ia ampeçoron i se la cousa assi cuntinuar...
Bai a ser fiesta rija!!

Pur um bal de baixo i bal de cima melhor

Diç que l maior festibal del mundo nel próximo anho bai a ser an Fuonte Aldé. La redaçon deste afamado blog diç que falou l’ outro die cun Sr. Roberto Medina (ourganizador de l festibal) i l tiu cunfirmou la nuobidade. Pois é cara, é mesmo assim, eu escolhi este sichio pur ser um locau bem legau. A genchi podi colocar um escenário la nu fundo junto à lagoa, outro lá no cimo junto ao parqui desporchivo e outro ainda ali na rocha du passarinho. Dixe tiu Medina. La redaçon cunseguiu scubrir que la rocha du passarinho ye la Fraga de l Cúcu.

La frase de promoçon deste festibal ye “Pur um bal de baixo i bal de cima melhor”. Dixe Medina: A genchi antes tinha a frase “ pur um mundo milhor” mais isso é muito gificiu, agora temos outra ideia, vamos começa com uma coisinha aqui outra ali, e daqui a muitos anos vamos ter o mundo melhor sem dúvida cara!! Dixe ainda Roberto Medina que todos ls ouros ganhos nel festibal ban a ser inbestibos nel bal de Fuonte Aldé fazendo berdadeiras auto-stradas cun dous carreiros pra cada lhado pra tuodas las huortas que ai nel balhe. L carreiro de la squierda ye para ir quando se tem pouca buntade de scabar i l de la dreita ye para quando se tem muita buntade de chegar a la huorta.

Bamos anton a sperar pur las próximas nubidades a ber cumo bai a ser l cartaç del festibal i que grupos beniran. Diç que Medina ya falou cun l acordionista de Augas Bibas i l de Bila Chana.

Diç que an Fonte Aldé se bai a fazer ua fiesta mui baliente. Bai si senhor e ie iá no die nuobe de Dezembro, nun hadem faltar gaitas e beiladores, fraitas e concertinas, bino nuobo e bitela e tanta animaçon que até buona jeira. Diç que durante la manhana, ben giente amportante para falar de turismo e de las potencialidades turísticas de la nuossa region. Mas l que la giente quier, ie mesmo de la fiesta de la nuite! e bien animada.

A la fiesta de la Rezosa
Tanta giente quier benir
La cousa iá ie famosa
Porque hai bitela gostosa
E la ACReFA sabe serbir.