28.11.06

Prémio Jesé Afonso 2006

Diç que l portal Crónicas da Terra fai de la música folk e de la world music l sou tema i ten fin la sue preserbaçon i dibulgaçon. Neste portal pude-se acumpanhar muitos grupos destes modos musicales, assi cumo cunsultar ua agenda mui detalhada de spetáculos que estes grupos fáien pulpaíç todo.
Pus acuntece q la Cámara Municipal de la Amadora cuncede zde 1988 un prémio - l prémio Jesé Afonso - que ten por oujetibo stimular la criaçon musical de ourige pertuesa. Astanho, l júri ancargado de antregar l prémio decediu nun l'atribuir "por não ter encontrado mérito consoante com o perstígio do prémio" an ningun de'ls trabalhos que les fúrun ambiados pulas eiditoras desses mismos grupos. L Crónicas da Terra decediu nomear 8 discos nacionales que segundo este portal cumprem culs requesitos para la candidatura a tal prémio. Nestes 8 discos stá ancluído l trabalho de'ls Galandum Galundaina - "Modas i Anzonas" i cumo la petiçon se fai pur cumentarios ne'l site de'l Crónicas da Terra, queda eiqui l link para que podais tamien botar an quien mais gustardes...
Eiqui stá la petiçon.

3 comentários:

Zzç disse...

conho... parece q la botaçon nun bai a serbir de muito :(
mas al menos mostra-se q ls galandum yá son ua banda de culto

mas q raio de prémio ye aquel q nin se dan al trabalho de ber quei hai de nuobo na musica pertuesa?
pus pudera, cun aqueilha lhista de cuncurrentes nun ademira q nun achássen quien merecesse para l'antregar l prémio...

Anónimo disse...

you tambien ya botei...boteian galandum...quen remedio, ls outros nun sei quin son...;)

manel disse...

Pur anquanto nun hai nuobidades, mas asperai un cachico que l Rezosa ya bai a ser este Sabado! Bamos a poner eiqui ua foto-reportaije de l eibento!