La Grandiosa Cena de ls Bigotes bai a ser an Fuonte Aldé, ne l die 11 de Dezembre, i apuis de ua cena bien quemida e bien regada, bamos a tener un cuncerto de Fado! Nun podie deixar de ser, porque la tradiçon de l bigote i l fado siempre buírun de la mesma copa.
L grupo chama-se Fados a Preto e Branco, cuncerto oufrecido pula associaçon nuossa amiga Lérias, para que quede ua fiesta assi bien mais baliente.
Apuis de l cuncerto cuntinuamos la fiesta an grande animaçon, cun seron musical adonde toda la giente puode tocar l que quejir, gaita, caixa, bombo, guitarra pertuguesa, cabaquinho, charrascas, pratos, colheres, etc etc, sien que naide quede ambergonhado. Ye assi la melhor maneira de eisercitar essas manos que tantas ganas ténen de tocar!
Nun bos squéçades de spalhar la nuoba, para que bengan cada beç mais bigotudos, de Fuonte Aldé e de todo l lhado!
Ancuntramos-mos alhá anton, todos cun peluige por riba de las beiças!
4 comentários:
Mui bien, hai que dar ls parabienes a l'associaçon lérias por tener decidido rializar este grande eibento an Fuonte Aldé i juntar l jantar de ls bigotes.
Ora quien ganhou l melhor bigote l'anho passado fui Tó Xina, por esso tamien él tenia de ourganizar la cena deste anho, i inda la puso melhor :D
Toda la giente de Fuonte Aldé, nun só ls bigotudos deben star gratos a la LÉRIAS por haber scolhido esta tierra para este grande eibento.
Debemos lhembrar-mos que Diana para alhá de fazer parte de ls cuorpos socials de la ACREFA, inda fui nuossa conterrânea algum tiempo, de maneira que tamien fai parte de la nuossa giente.
Bien haija Diana i Tó, por bos lhembrardes de nós i mos oferecerdes esta fiesta.
Pula purmeira beç, pul menos an Fuonte Aldé ua nuite de fados, i las pessonas de l'aldé nun soubiran ó nó quejirun aprobeitar, ber, participar i oubir dues buonas bozes i bien acumpanhadas pula guitarra. Anfin... depuis dízen que nun se faç nada na aldé.
Enviar um comentário