Diç que fui çcubierto mui recentemente por alguien que se quier mantener anónimo, un remédio que bai a dar muito que dezir.
La cura de todos ls males.
Ciática, delor de cabeça, de dientes, de zinolhos, de cutbeilho, feridas malas, coixo de aranhon, etc., etc., etc., e tal, anfin, para todo l que hai de malo e de buono e, nun ten cura tamien.
Segundo rebelou l tal ambentor que nun quier ser çcubierto, (solo you e mais uns poucos ye que l conhecemos), l remédio consiste nua mistela feita a partir de casca de cascaboi bien molida, uas yerbas que solo las hai en Ourrietatanor, cortiça birge, brebas berdes e cachuola de palomba trocal.
Muole-se, remuole-se i torna-se a remuoler isto todo, mete-se nua caçuola de barro de Mobeiros i deixa-se a cundir em binagre de bino ambinagrado durante la purmeira lhuna de Fabreiro.
Apuis de acabar la lhuna, debe guardar-se bien guardado nua calabaça i sperar que nun benga ningun delor.
Mas se fur l caso, l dolente debe deitar-se de barriga para baixo, l mais tardar antes de l nacer de l sol e untar la parte dolida cun este milagroso remédio.
Quemer i buer bien i sperar que l delor passe, sin fazer grandes fuorças.
15.7.06
Subscrever:
Enviar feedback (Atom)
4 comentários:
Stá buôno l nobo grafismo. Hay que notar que la caçuola tene de ser de Mobeiros!
stais amelhorar muito na parte d l grafismo, mas quanto a screbir...ye quaije cumo you!!!a ber se arranjais un cachico dessa mistela que todo cura, para dar a uns tius que me parecen que andan cun delor de cotobielho...
I quei, nun me digas q fui l'Anónimo q çcubriu la cura essa...
you ya ando cansadica de tanto spreitar als garotos que se fican nel cafe ate las tantas
mas atançao you num me deito sim ber al taberneiro fechar la puorta inda al outro dia quando la fechou ya erao las quatro de la madrugada e benian todos burrachicos.
por esso cri un pouquito dessa mistela pra ber se me curan las oulheiras.
Enviar um comentário