29.11.11


Pus ua beç mais l Festibal de Cultura Mirandesa, Rezosa, stá para chegar, i cuntamos cun todos para fazer la fiesta!
Cumo ls outros anhos tenemos palestras i debates pula tarde para sobre acuntecimientos i einiciatibas de balor ne l Planalto, i por la nuite la grande Ceia Quemunitária, i apuis cuncertos culs cunterrâneos Galandum Galundaina i uns moços de Coimbra chamados Sabão Macaco, todos mui buonos!
Este anho ten ua nuobidade, la ACREFA e la Galandum Galundaina AC uniu-se a outra associaçon cunterrânea, Associaçon Sartigalhos Palgrinos, que fáien la melhor cerbeija artesanal de Pertual!
Assi teneremos tamien l purmeiro anho de l Sarti Winter Fest, para mos deleitarmos cun tan baloroso sumo de cebada.
Ne l Rezosa/Sarti Winter Fest, todos ls produtos son locales!

2 comentários:

Félç disse...

Un die destes inda habemos de fazer ua cofederaçon de associaçones en Fuonte Aldé , rssssssss.
L baloroso sumo de que falas, Manel, nun ye solo de cebada, hai bariedades de trigo, bena i nun sei mais que outros cereales, has-de ber que la produçon de trigo inda torna a baler nin que seia solo para fazer cerbeija.
Debo referir i reforçar, que la unidade cerbejeira de l Praino (que todos sabeis se localiza en Fuonte Aldé)i ye parceira neste eibento, bai apresentar bariedade de la sue produçon, amarielha i tamien negra ua destas que yá tube l prebileijo de porbar i garanto que ye sublime.

Sendinista disse...

Stamos capaç.

buonas cerbeijas