23.3.10

REZOSA



Diç que an Fuonte Aldé nun se fai nada.


Quien biu i partecipou no REZOSA deste anho, zminte essa afirmaçon.


Zde la fiesta de "l burro i l gueiteiro", (que fui sin dúbida l que de mais grandioso algua beç acá se fiç, parabienes as ls ourganizadores), este Rezosa bieno tamien mostrar a toda la giente que la mocidade de Fuonte Aldé stá atiba, quier i ye capaç de fazer cousas grandes.


Las cunfréncias que na postage anterior se anuncioran, corriran mui bien i furan bastante partecipadas, bieno muita giente de fuora.


L cochino que Eisidro assou no speto staba ben temprado i puxou por bino i cerbeija. La giente gostou.


Gostou tamien de l cuncerto que Paulo Meirinhos i ls sous alunos de las scuolas de Miranda mos apresentou. I que bien cantan ls garoticos!!!


Ls Galandun dóran un cuncerto memorable, ls pauliteiros d'acá, que toda la giente sabe que son ls melhores de ls melhorestamien mostroran las sues hablidades i por quei l son.


Todos de bigote! Onde yá se biu um grupo assi? Pauliteiros bigotudos? Claro solo an Fuonte Aldé.


Mas toda la rapaziada andaba de bigote. Anté you que yá stou a quedar belhote, tamien deixei bigote.


Sin querer fiç un berso, eheheheh.


I aqueilhes amigos sturianos que tanto animoran l'anho passado? Tornoran astanho. Sinal que gostoran.


Pa l'anho há-de haber mais.




8 comentários:

al'xandre disse...

Parabiens pra todos!
Baliente fiesta.
Esto ye sinal que quando la giente de Fuonte Aldé quer fazer algo, las cousas nun fican pul camino.

Reporter de "Ti Marta" disse...

ya nun screbie eiqui a muito tiempo...
mas desta beç nun puodo passar sien dezir nada, e deixar eiqui ls parabiens a la ACReFA pur la baliente fiesta que fizo.

Kavaladas disse...

pa l'anho !!!!!!!!!!!!!!!!!!!!!

manel disse...

Fui ua fiesta baliente sin senhora!
Anté l cochino de Eisidro se quedou pal fin, que serbiu para tirar la fome als últimos de la fiesta! Aquilho era un lhamber de bigotes!!

manel disse...

Apuis yá pongo eiqui las fotos de todos ls bigotes i algo mais de l que se feç por alhá

Palmeiros disse...

Parabienes a la ACREFA e a la Galandum AC pur las fiestas!

manel disse...

Eiqui podeis ber la reportaige que l jornal Nordeste screbiu sobre l Rezosa, an particular ls Bigotudos!

http://www.jornalnordeste.com/noticia.asp?idEdicao=309&id=13779&idSeccao=2772&Action=noticia

Palmeiros disse...

Stá mui parado isto...