16.7.09

Stá a chegar! L Burro i l Gueiteiro 2009!


Ye berdade, la fiesta de ls Burriqueiros stá quaisque a chegar! I este anho queda-se dous dies na nuossa terrica adorada, Fuonte Aldé. Cun muita animaçon, e cuncertos por la tarde i por la nuite culs maiores nomes de la música tradicional ibérica! Se nun coinceis esses nomes, ide al youtube, myspace, google ó adonde bor der mais raiba para saberdes algo sobre eilhes.

Centenas de personas ban passar eilhi: uns de todo Pertugal, zde Braga anté Faro, outros tantos de la Spanha, uns poucos de la Estónia (a ber se son rapazas guapas), Bélgica, Turquia, Francia, Polónia, etc etc.
Por isso agarrai l bardeiro i barrei a las puortas de bossas casas, que Fuonte Aldé bai a ser l melhor sítio para se star naqueilhes dies.
Nun penseis que la fiesta ye para un bando de borrachos! Éls son todos gente culta e eiducada, giente studada i coincedora de l mundo. Bénen zde músicos, médicos, porsores catedráticos, actores, angenheiros, doutores disto ó daquilho, e claro, stando de férias claro que se les gusta de boer uns cacharros. Mirai que l director de ua de las maiores empresas de Bila do Conde ye frequentador repetente!

Por isso bamos a receber esta giente toda bien recebida, i, se algun tebir algua cousa buona i caseira que queira aporbeitar para poner a bender, que se chegue alantre! Que esta ye ua ouportunidade buona para se dar a coincer i porbar Fuonte Aldé!

Claro stá, quando hai assi ua ajuntança grande, ye certo que apareça algun un pouco mal antencionado, por isso hai que star atento. Mas nun faien mal a naide. Ye cumo ls arraiales de berano i ls ciganos, que nun hai ua cousa sien la outra!

13 comentários:

camposino disse...

Deixo eiqui ls mius PARABIENES a Manel pul zeinho qu'eilaborou pa l cartaç, stá simplesmente fantástico. Solo spero que l reporten pa ua t-shirt (sei que queda cara debido a la panóplia de quelores, mas bal bien la pena), pus se nun l faziren quien bai quedar a perder seran sin dúbeda ls partecipantes.

Cun un cartaç (grupos) destes atrebo-me a dezir que l berdadeiro sprito/ambiente "freak" bai star bien persente nesta eidiçon de l Burro i l Gaiteiro, nomeadamente an Fuonte Aldé, ambiente esse que yá se perdiu ne l'homólogo que se rializa an Sendin, anfelizmente.
Un abraço i biba Founte Aldé.

James disse...

é pá, trazei os burricos até ao Porto (se é que será necessário :p), é mais perto :D ...

mais uma vez não vou puder ir ... :(

abraços e boas gaitadas...salvo seja

Cabeço de las Binhas disse...

Oulá buns dies mais ua beç bou dar a mie oupinion eiqui neste blog. L Sr. Manel pus a mi parece-me que stá eideia stá mui bien, pus bamos amostrar que son las pessonas de Fuonte de Alde. Pus tamien bamos ber la capacidade de l pobo i de las nuossas associaçones i junta , cumo ban acuolher estas gientes que bénen ende cula buntade de se adbertir, i se fúren spertos cunseguen fazer uns euritos cula benda de produtos, pus estas gientes gustan de recordaçones de l sítios por adonde passan. Pus you tengo uns amigos que ban ende estes yá nun se calan la mais dun més. An principio tamien debo star por ende pus chega l'altura de las feries. Bou fazer un apelo a to boç; moços, acefa i junta. 1º Moços fazei-le ua buona recepçon las rapazas i als acumpanhantes i mostrai-le ls monumentos que tenemos acá. 2º Acrefa mostrai qu'inda sodes ua associaçon biba colaborai culs cun aqueilho que podires. 3º Junta pus cabe la junta splicar la nuossas gientes mais bielhas l que ben ende i qual la finalidade de l'eibento tamien juntai-bos todos i colaborai cun aqueilho que fur perciso para l'anho que ben benir inda mais giente a dar alegrie l'esta guapa tierra.4º la todos an giral deixai la politiquice nestes dies i fazei ua ounion i ban ber cumo ye bibir 2 dies sin política.

1 Abraço
Cabeço de las Binhas

Xana disse...

Bonas collacio "blogeros", ente los mios 10 Bloges d’Ouru s‘alcuentra Nuobas "Diç que an Fuente Aldé...", pasai recoyelu pul miu llagu.

Beisines

Anónimo disse...

YOU BOU!!!

Anónimo disse...

a "Cabeço de las Binhas"...

num sei cumo ye bibir bibir "2 dies sin política"...

nessa terrica eilha tem de star simpre num que seia solo para inrraibar la giente...

manel disse...

Biba! Pus para Camposino, las tie shertes ban a quedar tan guapas que toda la giente bai a querer pul menos 3 iguales! hehehe
I l'amigo Cabeço de las Binhas ten toda la rezon an todo que dixo! Hai que toda Fuonte Aldé stan ounida para que todo cuorra bien. Tamien yá se falou a Zéfiro que faga ua apresentaçon al pobo sobre l que bai acuntecer, l que cada un puode fazer, i l que todos deben tamien de tener cuidado, por eisemplo, de cerrar siempre las puortas, yá que bai andar por alhá muita giente buona, mas tamien un ó outro que nun pensan cumo ls outros...

Cabeço de las Binhas disse...

Buonas tardes pus caro amigo anónimo you acradito que l nuosso querido pobo bai aguantar ls 2 dies sin política pus ten de ser porque bamos (si tamien bou) ber muitas burriqueiras guapas pus esto lheba la çtraçon. Caro amigo manel you tamien quiero ua samarra dessas pus se stan assi tan guapas ó solo bai ser para alguns? (nun ye critica) pus yá falta pouco?
Un abraço para todos

Cabeço de las Binhas

manel disse...

las çamarras estas ban a star çponibles para toda la giente que las queira tener! Bamos a tener fiesta baliente!

camposino disse...

Buonas.

Caro "Cabeço", suscrebo la totalidade de l sou purmeiro comentairo, mas anfelizmente nun acradito que cunsigan poner la politica de parte, mesmo por dous dies tan antressantes i amportantes para l'aldé, pus, l'anraizamento ye de tal modo ansalubre que, faç cun que, la podridon se apodere dessa “malina”.

Agora Manel, tamien quedei curjidoso de ber las çmarras. Pon acá ua foto deilhas, anda alhá.

Félç disse...

Datrás a essas "camisolas, çamarras ou t-shirts" chamabam-se camisetas.
Agora dai-le l nome que quejirdes, mas a Manel: anton aqueilha de l Sartigalho cun gorra, quando sal?
Nun deixes chegar l'Inberno que apuis yá nun dá para l'amostrar!
Abraço,
Félç

Suzana disse...

You quiero um "top" cul deseinho esse... que stá mi guapo! ;)

I tamien bou!

ondamarela disse...

quase, quase, quase...