Rializou-se ne l die 13 de l San Juan, debie dezir-se Sant'Antonho yá que era l die del, mas junho ye San Juan!, la II Porba de Binos acá an Funte Aldé.L'anho passado hoube maior partecipaçon, mas mesmo assi apareciran 14 binos çferentes que ls porbadores analizórun i abaliórun cumo pudíran ou soubíran.
Dous destes porbadores eran repetentes i afirmórun que la qualidade de la pinga chub
iu en relaçon a l'anho passado.
iu en relaçon a l'anho passado.Assi sendo parece que l principal oubjetibo de este eibento stá a dar fruitos, pus toda la giente stá a sforçar-se por melhorar la pinga i quiçá aprobeitar algum ansinamento que ls técnicos le transmitiran de la outra beç.
Mais ua beç l Sr. Gilberto Pintado, de Freixo de Espada a la Cinta, un de ls poucos produtores de bino biológico de l nuosso paíç, fizo l fabor de mos mostrar alguns slides de la sue sploraçon, de la maneira cumo trata las binhas (sin nitratos, fosfatos ou caldias que nun seian naturales), splicou la maneira cumo podemos nós tamien candidatar-mos a ua sploraçon de produtos biológicos, bino ou azeite, quales ls passos a seguir, ls apoios i/ou bantaiges que dende adbénen, quier an qualidade quier an rentabelidade i quien son ls prencipales clientes destes mesmos produtos, pus dada la forma cumo se rializa todo l processo de tratamento de la binha, l tratamento de las ubas antes i çpuis de la colheita, la ouséncia de sulfitos i outros cunserbantes, toda la trabalheira que este bino dá anté sacar la rolha a la garrafa i la qualidade ser reconhecida i certeficada, nun será para todas las carteiras.
Mesmo assi diç este tiu, que l mercado ye buono i que nun hai crise no gasto deste bino, mesmo cun precio muito arriba de la média.
L bencedor de l concurso fui l mesmo de l'anho passado, Ramiro Luis i stá de parabienes pus stá dar mostras de que sabe l que anda a fazer, mas no cómpito giral dezírun ls antandidos, que todos ls binos staban bien buonos i que tubíssemos cuidado cun els porque eran capazes de mos poner a andar de gatas.
Parabienes als ourganizadores i speramos que pa l'anho se repita l Piçarron, que haba buona pinga i salude para la buer.
6 comentários:
Ah balentes pomadas!
I para chamar a mais produtores, habia de se poner un prémio an que se pagaba um pipo desse bino la duonho, para ua cena quemunitária para toda Fuonte Aldé!
A mim solo me parece é que cada beç ban a ser menos, porque afinal eran tantos e solo se falou em 1. Mas vos e que sabeis.
Pus parece-me a mie que este anónimo queria que se ponisse eiqui la lista de classificaçones de todos ls 14 partecipantes.
Por mie, que acho que tamien ye la eideia de ls ourganizadores, ye que seia ua tarde bien passada de cumbíbio, mais que cumpetiçon cerrada.
Tamien nun me parece que seia mui eilegante querer saber quien quedou an 14º lugar. De ceteza que l bino será buono tamien a la sue maneira. Mas si que se podien saber ls 3 purmeiros lugares...
Então apenas havia um prémio em 14 participantes?
Os "pódios" costumam premiar três e não apenas um!
Partilho a mesma opinião do Sr. Manel, a classificação total final, não; mas os três ou cinco primeiros penso que deveria ser obrigatório e saudável para os concorrentes se esmerarem ainda mais para a próxima edição. Uma vez que as classificações podiam ter sido análogas e isso é prestigiante para os concorrentes que ocuparam os lugares cimeiros, bem perto do número um. Ou a discrepância nos resultados foi assim tão díspar que foi melhor colocar apenas o primeiro?
Mas a organização e quem digitou este post é que sabe.
Parabéns ao vencedor e a todos os participantes.
Mui buonas nuites,
Tiu anónimo, nun sei quien sodes porque nun bos çcubris, mas isso a mi tamien pouco me amporta, bibimos nun paíç lhibre i cada qual comporta-se cumo l'apetece sin tener que dar splicaçones a naide.
Apuis de ler ls buosso comentairo, parece-me que bos debo dar um sclarecimento a bós i a mais quien lei este blog. Se omiti que hoube tamien prémios para l 2º i 3º lhugar, fiç-lo sin qualquiera antençon, a mi parecie-me que bondaba dezir que l bincedor foi l mesmo de l'anho passado i ye sinal de que l tiu nun ganhou ua beç por acaso, ye porque sabe de la cousa.
Yá agora i para mais anformaçon, la çferença entre l pormeiro e ls outros dous que furan a l pódio i tamien tebiran prémio, fui solo de poucas décimas i cumo referi no post, ls dous porbadores que eiqui stebiran l'anho passado furan unânimes a afirmar que la qualidade de l bino aumentou.
Se quejirdes mais pormenores de cumo estan las classeficaçones perguntai a ls ourganizadores.
Mas permiti que bos faga um cumbite yá bien a tiempos; quedai atento i pa l'anho beni acá que sereis bien recebido, assi bedes i porbais de la nuossa pomada, apuis nun teneis que reclamar,
P.S. You nun fiç parte de la ourganizaçon.
Félç
You tube (nun ye l youtube) pena nun tener ido.
Quedo cuntento saber que la qualidade aumantou y que habie bino de outros sitios sin ser de Founte Aldé e que furan ls de la casa a ficar por riba.
Ah padrino, you tamien sou de la oupinião de poner la classficaçon ls 5 pormeiros.
Estan de parabienes ls ourganizadores i tamien miu abó de Artur Camposino, parece que ast´anho tem bouna pinga. (",)
A ber quando bamos alhá a porba-la.
Abraço
Enviar um comentário