1.2.09

Stradas i mais stradas


Muito se ten falado no IC5, mas l que mais me stranha ye que naide fale na bariante que bai a dar a Picuote i que yá stá bien mais abançada.


Ls ambientalistas, apesar de esta obra se ancontrar en pleno coraçon de l Parque Natural (PNDI), inda nada reclamoran, se calhar inda nun doran de cuonta de que la obra yá ampeçou.


Quien quejir puode certeficar-se que l que you stou a dezir ye berdade, para tal só ten que ir pul camino caras a Picuote, que an chegando àqueilhas lhastras de las Muolas, onde aparta l camino pa las Castrelheiras ha-de achar l camino quajeque tapado cun cachos de tejolos de barro i de cimento assi cumo piedras.


L pior ye que esta obra ampeçou yá eiqui acuntá i lhougo quedou cun falta de aire, de maneira que ten stado parada i cumo l camino stá anterrompido, la giente i las cria tenen que passar por riba de las fragas i anté yá armoran ua rodeira por alhá.


Bamos a ber se agora cumo stan a chegar las eileiçones, amanhan xequiera alquel cacho de camino ou rompe de beç i cun fuorça la bariante de Picuote.

13 comentários:

Anónimo disse...

Buonas tardes sr.manuel, beijo que anda mui atento als caminos de la aldé, pus faç bien i fico cuntente por esso, inda bien que las pessonas se manifesten an público, siempre queda más guapo, al cuntrário de meia dúzia deilhes que passon l seran ne l bar de la ACREFA a resmungar antre dientes i ne l final dízen que nun dízen. Mas las eileiçones stan la puorta i queda çcansado que l cumbite bai-te ser feito para representares este houmilde pobo. Mas bé alhá por que lhado bás pus sabes que eiqui an fuonte de la aldé tierra a un partido seia l candidato buono ó malo. Cumo yá ampeça a fazer calor ye melhor ires pensando an birar la manta al cuntrário. Pus se aceitares ua promessa yá puodes garantir que bás cumpor camino que bai para las Castrelheiras.

Mui oubrigado la bocé i als outros que screben neste blog que grácias a eilhes ne ls bamos mantendo anformados aqueilhes que stamos lhoinge disse cantico querido

Un abraço Sr. Manuel

cabeço de las binhas

Anónimo disse...

Ls caminos de Vila Chana estan lhimpos y ls de Funte Alde uã m****a.
Más um mandato sin se fazer nada an Funte Alde. Mas agora que bai haber eileiçones ides a ber cumo faian alguã cousa, nin que seia solo pra tapar ls oulhos, cumo siempre.

Uã aldé tan pequeiña y tan stragada por bias de la politica.

Inda bien q´estes noubos son unidos y nun faian causa dessas colores que pra nada sirven nun meio tan pequeiño cumo l nousso.

Parabiens al autor del texto.

Anónimo disse...

bunas, pus si, pilitiquices todos tenam...mas am funte aldé, ia chega desso...se ouvir enteressados em formar um grupo púl bloco... tamen alinho...cuntai comigo!!!
Ass.Piçarão

Anónimo disse...

Buonas tarde caro amigo anónimo, tenes de andar un pouco más atento, pus algo yá se fizo nun mui mas algua. Talbeç puoda dezir fizo-se si mas para l antresse de alguns mas cumo dius ´´i grande i nun atende a todos, tenes de tener calma pus tamien bai chegar l tou die de ser beneficiado

1 abrço
cabeço de las binhas

Anónimo disse...

parvalhões!!!!

camposino disse...

Bounas
Antes de mais quiero flicitar a miu padrino por este "post", porque ya algun tiempo que naide se lhambrava de screbir por eiqui.
Yê triste que la maioria de las personas nun antendan la parte humuristica deste post, serbindo-se apenas de alguin que toubo corage de dar la cara al screbir este assunto para criticar, mas siempre nel anonimato. Acho que ya ye tiempo de acabar cun comantarios anonimos. Piedo al moderador deste blog que ampece a apagar todos ls comantarios anonimos que eiqui se ponan.
Todos nos sabemos que an Founte Alde se liga demais a las cores politicas nun lhebando a lhado nenhum, mas quin queira criticar que dei-a la cara, que nun se ponga detras de uã mascara chamada "anonimo" para dezir las cousas.

Quanto a la politica an founte alde so tengo uã cousa a dezir:
Augas passadas nun faian rodar l molino.
Haber se la giente se ampeça a unir mais, pral probeito de todos.
Viva Founte Aldé y ls que tenen amor por eilla.

Anónimo disse...

nun será desta forma....se queijirdes acabar coum los anonimos... acabai... mas num acabeis cum la pulitica... nun sois capazes....eilha hade cuntinuar depois de bôs....reflecti sobe esse!!!! agora esconder al que esta mal... esso no!

camposino disse...

Pal ultimo "anónimo", si, tenes razon, la politica nun se bai acabar agora nien nunca y fai falta. Mas ye preciso pegar neilha, pal bien de todos y no para destruir ou desunir las personas.

Anónimo disse...

Buonas tardes para todos. Pul que beijo Sr. Camposino que parece star preocupado culs anónimos pus faç bien. Mas ua cousa que quede clara que Salazar yá morreu, i cul la censura tamien. Pus fico an dúbeda se stá preocupado culs anónimos, ó cun medo que dígan algo que nun seia de l antresse de todos. You le digo ua cousa, bou cuntinar cul miu pseudónimo cabeço de las binhas i spero que nanhue mensaige seia apagada. Eirie quedar un pouco xateado. Pus you tengo benido antrebir neste blogo sin antresse de oufender naide, mas tamien quede claro que nun ye qualquier un que me mete medo.
Pus al Sr. felç outor de l deste "post", l miu mui oubrigado por tener ampeçado a dar ua eimaige la este site pus esto stá ampeçar a calecer.
1 Abraço
Cabeço de las binhas

manel disse...

Stou cuntento por este blog dar que falar!
Cumo quiera esta notícia chegou-le la pumienta al nariç de alguns, yá que andan por ende a chamar "parvalhões" a nun sei quien...

Inda bem que tenemos a Félç cun nós para chamar la atençon a cousas amportantes! yá passei un inchente de bezes por esse camino, e un cacho mais alantre ye só pedricas ne l camino! Bien las podian tirar...

Sobre outra cousa: you concordo cun l de l Cabeço de las Binhas i çcordo cun Camposino neste causo: nun se apagan ls cumantários só pur seren de anónimos...
Cuntamos, claro stá que ls anónimos scriban algo de jeito, claro! Nó cumo esse "parvalhão"......

I por falar nesta notícia, a ber se qualquiera die pongo eiqui la pouca bergonha que ye l depósito an cielo aberto de lixo mismo ne l einício de l Parque Natural de l Douro Internacional!
Puode-se ber tal MERDA miesmo por trás de la placa que dá einício al Parque!
Alguien que le tire ua fetografie...

Anónimo disse...

Buonas tardes caro sr. Manuel pus fico grato i cuntente por ber que me apoia an relaçon al anonimato. Pus nun bengo eiqui scraber para chamar la atençon ,mas si para dar la opnion Essa que me parece yá ampeçar a ancomodar ciertas pessonas .
An relaçon al anonimo que menciona la dita palabra (parbalhones) nun sei la quien se dirije pessonalmente mas son pessonas, que nun dízen l que saben, porque nun saben dízen, mas son si buns oubintes eimitadores.
Bamos por más debates i respeitar la queles que alhá partecipon

1 abraço
Cabeço de las binhas

camposino disse...

Caro "cabeço de las binhas!

Quando falei em apagar os comentários anónimos, obviamente não me referia à sua pessoa, pois utiliza um pseudónimo como aqui outros leitores usam e são "famosos" como é o caso do "Repórter de ti Marta".
Eu referia-me só e apenas a comentários insultuosos de pessoas sem carácter que não são capazes de dar a cara. Fico contente de saber que é um leitor atento e assíduo do "nosso" blog e espero que continue.
Saudações Sartigalhenses

Anónimo disse...

Caro amigo sr. Camposino pus bengo agradecer pul sclarecimento, çculpa pul miu mal antendido. Pus you tengo stado atento als comentairos por boç feitos, pus an relaçon a esses anonimos que boce se refer you repito l que screbi ne l miu ultimo comentairo(son pessonas, que nun dízen l que saben, porque nun saben l que dízen, mas son si buns oubintes eimitadores.)
Bamos cuntinar a zancar uns ne ls outros sin oufender ninguen

1 abraço
Cabeço de las binhas