2.12.08

La cena de ls Bigotes stá marcada - ANSCRIÇONES EIQUI

Pronto, yá tenemos cartaç i todo, por isso que naide quede de fuora de la cena! Nien que seia pula trabalheira que me dou a zenhar ls bigotes de dous de ls bencedores de l anho passado!
Ye berdade, para quien nun tenga ido l anho passado, bamos a eileger ls trés melhores bigotes, que lhieban prémio!

La cena bai a ser ne l restourante L Pauliteiro, que le chaman alhá "Al Pauliteiro", cumo quera por culpa de ls homes de l café Bogani, que fazírun l reclamo. Nun son de Miranda, razon para nun saberen l mirandés...

ANSCRIÇONES: Yá sabeis, la cena stá abierta a toda la giente, de todas eidades i de todas las tierras, zde que tengan un bigote. Para bos anscreberdes, deixai eiqui an Cumentário a dezir que ides, i ponei l buosso nome (para quien nun saba, ye clicar adonde stá screbido "x DITOS").
Isto ye para se saber quantas personas ban, para tenermos chicha i bino cun fartura, sien ser para stragar, ó sien ser para passar fome! La cuonta cierta. Agradecemos todos ls que ban que lo digan eiqui!

Podeis ber EIQUI las fotos de la cena de l anho passado, para recordar i stimular criaçones bigotudas!

Cumo dezia Camposino: "Nien mais ua biespera de consoada sien bigote!"

14 comentários:

manel disse...

Se naide ampeça, ampeço you!
Pus cuntai cumigo anton para la cena: Manel Meirinhos

Zé Meirinhos disse...

You tamien bou: Zé Meirinhos

Mirai ua cousa, i ties que lheben ua bigodaça tamien puoden ir, nó?

Félç disse...

you solo se por fuorça maior, yá trago l bigote de 15 de setembro

Palmeiros disse...

You bou.
Paulo Meirinhos

Benoit disse...

you .. tube, eu ía, mas já não vou, por erro tecnico, tive de desfazer o meu bigode farfalhudo de 7 pelos! :(

que ganhe o melhor

Camposino disse...

You yá tube que tirar l miu , debido al noubo carton del cidadon, mas spero que tenga algo que se beia n´el die de la cena.

You bou: Artur Martins

al'xandre disse...

Pus pudeis reserbar un cadeira para mi tamien. you ya lhiebo uns pelicos jeitosos. Al'xandre

ZeLu disse...

Alhá starei para çfander l título. Este anho passei menos tiempo an Retalhengua i apuis l bigote nun medrou tanto:) Se calha, l'adubo nun era de la miesma qualidade.

Cuntai comigo :: ZeLu Meirinhos

Marco disse...

You tamien bou, ya l stou a guardar

sermei disse...

Tamien pudeis cuntar cumigo, yá que para mi ye solo baixar la rue. Depuis para la chubir beremos.
Sérgio Meirinhos

carlos galego disse...

you tamien alinho
vamos ber quien se apruma este anho

Topo disse...

Pus l miu bigote ya bai bien medrado. Pur ende starei.
Alberto Fernandes

Andre disse...

Pus you tamin bou e anscrebo inda outro rapaç que me pediu!!!!
André Martins e Ricardo de Paradela

moreira disse...

you tambien bou