10.5.06

Buieiros lhançan OPA al balhe


Diç que ls dous maiores buieiros de Fuonte Aldé lhançórun ua OPA (Ouferta Pública de Aquisiçon) a todo l balhe de Fuonte Aldé, cumo chubiu muito, diç que: “…las bacas paçen bien i antretenan-se melhor purque beian passar ls carros. Ls lhameiros são mais paradotes i sien mubimiento”, afirmou un dels baqueiros (nun cunfundir cun banqueiros).
La stratégia studada para esta OPA i mantenida an segredo até hoije, ye la seguinte:
Antonho Manel queda cul balhe de riba incluindo l Stádio de las Campaninas i l brincadeiro de ls garotos cun sítio pra merendas adonde se puode assar un bui anteiro dua beç.
A Bito calhou-le l balhe de baixo, diç que pur tener mais selombras i assi puder usar mais bezes l xaragonico que Xande l dou. Lhembramos-bos que él l lhieba siempre anroscado nel guiador de la bicicleta cumo se fussa un terço nel speilho dun carro.
La frunteira del balhe fui riscada pul passadeiro de Balongo, diç que l GPS de l carro nuobo de Bito marcaba l meio nesse sito.
Las bacas mirandesas cuntinuan assi a anfeitar esse que ye un de ls sítios mais guapos de todo l Planalto Mirandés.
An ultima hora soubimos que stá pra brebe la rodaije dun filme nel balhe de Fuote Aldé.

2 comentários:

Zzç disse...

ye berdade! ban a rodar un filme nel balhe.
ye sobre um bui mirandés e ua baquita turina i l'amor proibido antre eilhes...
andan a fazer l casting nel stáblo de Vito

Anónimo disse...

Wonderful and informative web site. I used information from that site its great. Travel packages to orlando fla