29.4.06

L causo de las roncadelas pur la nuite adrento

Diç que las ties todas çcuten antre eilhas quei passa culs sous tius, porque pur la nuite, a las bezes scuitan uas roncadelas, que, él hai cousas, ye costume calharen pur las mismas horas que fecha la associatiba. Ua tie, anterrogada pur la nuossa comitiba, que quijo mantener la eidentidade scondida, pur tener medo que le chegassen la roupa al pelo dixo: "cumo quiera ye l miu home.. él a drumir fai uas tronadelas que a bezes rezo a Sta. Barbela! Nien sei se ye a ressonar ou ye pur baixo, mas que trona, él trona!" Yá outra tie dixo: "you acho que nun ye l miu tiu... You sei que él ressona, a bezes parece que bota la casa abaixo, mas sinte-se alhá fuora! Nun será él, nó!" Eilha apuis dixo que serie ua bezina (que tamien num podemos poner l nome, como a la purmeira, por starmos a falar de la misma persona). Este causo yá se çcute fai uas dous semanas, cun tantos dies cumo las oupeniones que registramos de ls bielhos. Chegou a dezir outro tiu que serie l demonho ou ua mari-manta, porque se iba sentindo tronar siempre de baixo de l pobo pa riba, diç que bai pa l semitério. Causo mui squesito, porque ye siempre quando yá todos ls bielhos stan na cama!
Benimos a saber inda à cachico, pur fuonte anónima, apuis de um grande studo, que afinal ye solo l carro de un de ls taberneiros de la associatiba, que recentemente mercou ua panela pa l sou carro, para fazer mais bruído, que stá a ser transformado num carro tuninho, yá ten ua lhuç azul e todo. Apuis de la çcoberta anterroguemos un bielho que mos dixo: "ah tonticos estes garotos! Que se amborrachen ye ua cousa, mas agora que nun mos deixen dromir isso yá nó!"
P.S.: Nesta reportaige oumitimos todos ls nomes de ls anterbenientes para nun sofreren oumilhaçones ne l pobo.

6 comentários:

felix disse...

i biba foûnte aldé

camposino disse...

Mui mui adelantre!!!

Picamiolos disse...

I inda falta dezir que la "panela toda ie de la "REMUS"..Lol...

F...-Bell disse...

ha scusados!!!! que num tneis nada p´ra fazer.

Anónimo disse...

Aí balentes! Haja alguém que dá continuidade à tradição de estar nos copos até às tantas e depois andar a fazer xoldra!
Eu já num paro pra esses lados mas tenho muitas saudades desses recantos!
E a propósito... fartei-me de rir com o relato! Bem haja!

Um abraço amigo,
Luisa FMDO (Mirandesa)

Anónimo disse...

Very cool design! Useful information. Go on! »